قومی وملکی سلامتی کے معاملات پر حکومت ، فوجی اسٹیبلشمنٹ ایک صفحے پر ہے، سردار ایاز صادق
جمعہ 20 مارچ 2015 16:26
اسلام آباد (اُردو پوائنٹ اخبار تازہ ترین۔20مارچ۔2015ء) سپیکر قومی اسمبلی سردار ایاز صادق نے کہا ہے کہ قومی اور ملکی سلامتی کے معاملات پر حکومت اور فوجی اسٹیبلشمنٹ ایک ہی صفحے پر ہیں ۔ ہم ملک میں امن و استحکام اور انتہا پسندی و دہشتگردی کے خاتمے کے لیے پر عزم ہیں۔ ان خیالات کا اظہار انہوں نے آج پارلیمنٹ ہاؤس میں کمانڈاینڈ اسٹاف کالج کوئٹہ کے طلباء اور فیکلٹی ممبران کے ایک گروپ سے گفتگو کے دوران کیا۔
انہوں نے کہا کہ پاکستان کو دہشتگردی اور انتہا پسندی کی لعنت کا سامنا ہے جس سے شہری زندگی اور اقتصادی سرگرمیاں تعطل کا شکار ہیں ۔اسپیکر نے کہا کہ پارلیمنٹ نے ملکی مسائل کو حل کرنے کے لیے تمام پارلیمانی جماعتوں میں اتفاق رائے قائم کرنے میں اہم کردار ادا کیا ۔(جاری ہے)
شرکاء سے خطاب کرتے ہوئے سردار ایاز صادق نے کہا کہ قومی اسمبلی میں مختلف پارلیمان کے درمیان فرینڈشپ گروپس قائم کردیے گئے ہیں جس کے ذریعے ہم نہ صرف دوسرے ملکوں کی پارلیمان کے تجربات سے استفادہ حاصل کرسکتے ہیں بلکہ ایک دوسرے کے ملکوں کا دورہ کرنے سے ان کے تعلقات میں بھی بہتری آئے گی۔
قومی اسمبلی کے اسٹریٹجک پلان کی تفصیلات بتاتے ہوئے انہوں نے کہا کہ ارکان پارلیمنٹ اور پارلیمانی عملے کی استعداد کار میں اضافے کے لیے خاطر خواہ اقدامات کیے جارہے ہیں ۔ اس کے علاوہ ملک بھر کی یونیورسٹیوں میں پارلیمانی طرز عمل اور لیجسلیٹو ڈرافٹنگ کو بطور مضمون پڑھائے جانے کے بھی حتمی انتظامات کر دیے گئے ہیں۔ اسپیکر نے کہا کہ پارلیمنٹ میں سادگی کو رائج کرنے کے لیے مختلف شعبوں میں ہنگامی اصلاحات کی گئیں ہیں ۔ بجلی کی ضروریات پوری کرنے کیلئے شمسی توانائی کو استعمال کیا جائے گا اور پاکستان کی پارلیمنٹ دنیا کی پہلی پارلیمنٹ ہوگی جس کی توانائی کی ضروریات شمسی توانائی سے پوری کی جائیں گی۔ انہوں نے کہا کہ ڈونرز کے ذریعے قومی اسمبلی سیکریٹریٹ کو پیپرلیس آفیس کی طرز پر چلایا جائے گا جس سے کاغذ پر خرچ ہونے والے اخراجات ختم ہوجائیں گے۔ اس موقع پر شرکاء نے قومی اسمبلی اور ملکی صورتحال کے حوالے سے متعدد سوالات کیے جس کا اسپیکر نے بڑی تفصیل کے ساتھ جواب دیا۔ قبل ازیں وفد نے قومی اسمبلی کی کاروائی دیکھی اور پارلیمنٹ ہاؤس کا دورہ بھی کیا۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.