صولت مرزا کا بیان حقیقت ہے، ایم کیو ایم کی تمام حقیقت کھول دی ہے،جمعیت علماء اسلام (س) ضلع کوئٹہ

کوئٹہ(اُردو پوائنٹ اخبار تازہ ترین۔19مارچ۔2015ء) جمعیت علماء اسلام (س) ضلع کوئٹہ کے امیر وصوبائی نائب امیر مولانا مفتی عبدالواحد بازئی، ضلعی جنرل سیکرٹری حافظ در محمد اخوندازادہ،ملک نادر خان،مولانا عبدالباقی حقیار،مولانا رنگین حقانی،ڈاکٹر عبدالستار،ڈاکٹر جان محمد،محمد عظیم خلجی،حمد اللہ خلجی،حافظ محمد عظیم بازئی اور مولانا عبدالقاہر بازئی ودیگر نے مشترکہ بیان میں کہا ہے صولت مرزا کا بیان ایک حقیقت ہے انکے بیان نے ایم کیو ایم کی تمام حقیقت کھول دی ہے انہوں نے کہا صولت مرزا کے بتائے گئے افراد اگرچہ اعلیٰ منسب والے کیوں نہ ہوں ان کا تعلق کسی بھی جماعت سے کیوں نہ ہو ان کیخلاف سیاسی جماعتیں بھی حساب کریں انہوں نے کہا کہ کراچی میں ہزاروں افراد کی بوری بند لاشیں ملتی ہے ان کے تمام حساب لیں اور ان تمام افراد کے قاتلوں کا سراغ لگائیں انہوں نے کہا کہ سیاست نفاق کا نام نہیں بلکہ سیاست اسلامی رواداری اور اسلامی قوانین کے مطابق زندگی گزارنے کا نام ہے تمام سیاسی جماعتوں کو چاہئے کہ اب وقت آگیا ہے کہ کراچی کے امن کو ممکن بنایا جائے اور تمام قاتلوں کا سراغ لگایا جائے جو بھی ملوث ہو ان کے نام لئے اور ان کیخلاف آواز اٹھائی جائے ورنہ عوام ایسی سیاسی جماعتوں کا حساب کریں جو اب بھی کراچی کے نظم ونسق میں خلل ڈالنے والوں کی جماعتوں کو نشان عبرت دلا کر ان سے دور رہیں انہوں نے کہا کہ صولت مرزا کے بیان کو اصل حقیقت سمجھ کر اپی پی پی اور ایم کیو ایم کیخلاف تحقیقات کی جائے اور ان جماعتوں پر پابندی عائد کی جائے ۔