پنجاب اسمبلی نے پانچ قوانین میں ترامیم کی منظوری دی جو فوری طو رپر نافذ العمل ہوچکی ہیں‘وزیر سوشل ویلفیئر
منگل 17 مارچ 2015 14:15
لاہور ( اُردو پوائنٹ اخبار تازہ ترین۔17مارچ۔2015ء) صوبائی وزیر سوشل ویلفیئر سید ہارون احمد سلطان بخاری نے کہا ہے کہ پنجاب اسمبلی نے پانچ قوانین میں ترامیم کی منظوری دی جو فوری طو رپر نافذ العمل ہوچکی ہیں جن قوانین میں ترامیم کی منظوری دی گئی ان میں کم عمری کی شادی کی روک تھام ایکٹ 1929ء، مسلم فیملی لاء آرڈیننس 1961ء، فیملی کورٹس ایکٹ 1964ء،غیر منقولہ جائیداد کی تقسیم ایکٹ 1912ء اور لینڈ ریونیو ایکٹ 1967 شامل ہیں ،کم عمری کی شادی کی روک تھام ایکٹ میں کم عمری کی شادی کی موجودہ ایک ماہ کی سزا ، ایک ہزار روپے جرمانہ یا دونوں سزاؤں میں اضافہ کرکے سزاچھ اور جرمانہ پچا س ہزار روپے کردیاگیا ، کم عمر کی شادی کرانے والے نکاح رجسٹرار کی سزا میں بھی اضافہ کیاگیاہے ۔
سید ہارون سلطان بخاری نے کہا کہ مسلم فیملی لاء آرڈیننس میں دلہن اور دلہا کی طرف سے نکاح نامے میں اندراجات سے متعلق کوئی دفعہ شامل نہیں اور دیکھا گیاہے کہ نکاح نامہ میں اندراج نہ کرنے کے سبب دلہن کے حقوق بالخصو ص خاندانی جھگڑوں کے معاملہ میں بری طرح استحصال ہوا ہے ۔(جاری ہے)
اس بات کو یقینی بنانے کیلئے کہ نکاح نامہ میں نکاح رجسٹرار یا نکاح پڑھانے والے دیگر شخص کی جانب سے مناسب اندراج کیاجائے ۔
قوانین میں مزید دفعات شامل کی گئیں ہیں۔وزیر سوشل ویلفیئر نے کہا کہ فیملی کورٹس ایکٹ 1964ء میں خلع،نان نفقہ،بچوں کی تحویل ، سرپرستی ، جہیز اور بیوی کی ملکیتی اشیاء سے متعلق دیگر خاندانی معاملات کو حل کرنے کے لئے قانون میں ترمیم کی گئی ہے۔اس ضمن میں فیملی کورٹس کے اختیارات میں اضافہ کیاگیاہے ۔انہوں نے کہا کہ غیر منقولہ جائیداد کی تقسیم کے ایکٹ 2012ء کی دفعہ 9 کی شق 3 کو ختم کردیاگیاہے تاکہ اس ضمن میں شریک تمام مالکان کی منظوری سے ثالث کے تقرر کو یقینی بنایاجاسکے ۔صوبائی وزیر نے کہا کہ لینڈ ریونیو ایکٹ1967ء میں ترمیم کی گئی ہے جس کا مقصد یہ ہے کہ ریونیو آفیسر خاندان کے کسی بھی بالغ رکن کو ثمن جاری کرسکتا ہے ۔ اس ضمن میں موجودہ یا مستقبل میں دستیاب الیکٹرانک ذرائع کو سمن کی موثر تعمیل کے طو رپر تجویز کی ترمیم شامل کی گئی ہے ۔مزید برآں ایکٹ کی دفعہ 141 میں ترمیم کی تجویز دی گئی ہے تاکہ ریونیو آفیسر جائیداد سے متعلق امور کو خود سرانجام دے سکیں ۔ریونیو آفیسرز ان تبدیلیوں کی بدولت جائیداد کی تقسیم کے مقدمات تیزی سے نمٹا سکیں گے۔متعلقہ عنوان :
مزید اہم خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.