حج 2015 کے لیے تجاویزپیش کردی گئیں
منگل 17 مارچ 2015 12:30
اسلا م آ با د(اُردو پوائنٹ اخبار تازہ ترین۔17مارچ۔2015ء) حج گروپ آرگنائزرز اورعلمائے کرام نے حج2015 کے لیے تجاویزپیش کردیں۔تجاویزمیں حکومت سے مطالبہ کیاگیا ہے کہ حج اخراجات کم کیے جائیں، حج آپریشن میں تمام ایئرلائنز کوحصہ لینے کی اجازت دی جائے، سعودی عرب میں تمام سہولتوں سے آراستہ رہائش گاہیں حاصل کی جائیں، خدام الحجاج کو خصوصی تربیت دی جائے، میڈیکل مشن کی کارکردگی کو بہتر بنایا جائے۔
حج گروپ آرگنائزر حاجی محمد سعید نے کہا کہ سرکاری حج اسکیم میں ہر سال حاجیوں کو مشکلات پیش آتی ہیں، سرکاری اسکیم میں حاجیوں کا کوئی پرسان حال نہیں ہوتا، کھانا تاخیر سے ملتا ہے، حاجی دوردراز خیموں میں ہوتے ہیں، گورنمنٹ کاکیمپ بھی خاصے فاصلے پرہوتا ہے۔ انھوں نے کہاکہ حج کے 5دنوں میں سعودی عرب میں پاکستان مشن بہتر انتظامات کرے۔(جاری ہے)
میڈیکل مشن پرخصوصی توجہ دی جائے، کھانے کی وقت پرفراہمی یقینی بنائی جائے، کھانے کے لیے ٹوکن سسٹم متعارف کرایا جائے،کیٹرنگ سسٹم کوبہتر کیا جائے، عازمین حج کو تربیتی نشستوں میں لفٹ اور کموڈکے استعمال کے بارے میں بتایا جائے کیونکہ سعودی عرب میں تمام ہوٹلوں میں جدید لفٹیں لگی ہیں اورکموڈسسٹم ہے۔
پاکستان کے دیہی علاقوں سے جانے والوں کو مشکلات کا سامنا کرنا پڑتا ہے۔حج عمرہ زیارات کمیٹی کے چیئرمین علامہ محمدعون نقوی نے کہاکہ سرکاری حج اسکیم چاہے پہلے آئیے پہلے پائیے کی بنیاد پرہو یا قرعہ اندازی کے طریقہ کارکے مطابق، اس میں بے ضابطگیاں نہیں ہونی چاہئیں۔ بعض عناصر بینکوں کے عملے کی ملی بھگت سے حقدار عازمین حج کو ان کے حق سے محروم کردیتے ہیں۔ انھوں نے کہاکہ عالمی منڈی میں تیل کی قیمتوں میں خاصی کمی ہوئی ہے لہذاحکومت کو حج پالیسی میں حج اخراجات میں کمی کا اعلان کرنا چاہیے۔گزشتہ سرکاری اسکیم میں حکومت نے اعلان کیا تھا کہ وہ سرکاری اسکیم کے حجاج کو مکہ اورمدینہ میں کھانا فراہم کرے گی لیکن گزشتہ حج کے دوران کھانے کی سروس بہتر نہیں تھی جس کی وجہ سے عازمین حج کوعبادت کے لیے جانے میں تاخیر ہوتی تھی۔ انھوں نے کہا کہ کھانے کی تقسیم مکہ اور مدینہ کی آبادی اور شہری سڑکوں اور روٹس کی وجہ سے مشکل ترین ہے۔ کھانا ہرشخص کے انفرادی مزاج کے مطابق ہونا چاہیے کیونکہ بعض اوقات کسی حاجی کو ڈاکٹرنے کھانے کا کوئی آئٹم کھانے سے منع کیا ہوتا ہے۔ لہٰذا کھانے کوسرکاری اسکیم کے پیکیج میں شامل نہ کیا جائے اور کھانے کے انتظام کا آپشن عازمین حج کو دے دیا جائے۔ انھوں نے کہا کہ عازمین حج کے لیے بلڈنگز دیکھ بھال کرلی جائیں۔بلڈنگز میں لفٹ درست ہونی چاہیے اورباتھ روم بہترہوں۔ مجلس درس پاکستان کے چیئرمین الحاج سعید صابری نے کہا کہ حج اخراجات میں کمی کی جائے، دنیا کی دیگر ایئرلائنوں کو بھی حج آپریشن میں حصہ لینے کی اجازت دی جائے، بحری سروس دوبارہ شروع کی جائے اورپہلے آئیے پہلے پائیے کے بجائے قرعہ اندازی کا طریقہ کاراپنایا جائے۔ انھوں نے کہاکہ قربانی کے لیے حاجیوں کو اجازت دی جائے کہ وہ اپنی مرضی سے قربانی کرلیں۔ انھوں نے کہاکہ حج پالیسی میں حاجیوں کے لیے کیٹیگریز نہ بنائیں۔ ممتازعالم دین علامہ نسیم احمد صدیقی نے کہا کہ حج کرائے کم کیے جائیں، بحری سروس شروع کی جائے، قرعہ اندازی کاطریقہ کاراپنایا جائے، حج اسکیم کوشفاف بنایا جائے اورسرکاری پرائیویٹ حج اسکیم کوجعلسازوں سے پاک کیا جائے۔متعلقہ عنوان :
مزید اہم خبریں
-
ایف بی آرکا ٹریک اینڈ ٹریس سسٹم ناکام
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.