وزارت مذہبی امور کی طرف سے حج 2015 میں غیر مناسب و ناقابلِ عمل کڑی شرائط کے باوجود پرائیویٹ حج آرگنائزرز عازمین ِ حج کو مایوس نہیں کریں گے،حافظ شفیق کاشف
ہفتہ 14 مارچ 2015 14:56
فیصل آباد(اُردو پوائنٹ اخبار تازہ ترین۔14مارچ۔2015ء) پاکستان حج و عمرہ آرگنائزرز ایسوسی ایشن کے مرکزی راہنما حافظ شفیق کاشف نے کہا ہے کہ وزارت مذہبی امور کی طرف سے حج 2015 میں غیر مناسب و ناقابلِ عمل کڑی شرائط کے باوجود پرائیویٹ حج آرگنائزرز عازمین ِ حج کو مایوس نہیں کریں گے۔ سعودی عرب میں وسیع پیمانے پر عمارتوں کے انہدام کی وجہ سے ہوٹل ریٹ میں بے تحاشہ اضافہ کے باوجود عازمینِ حج کی خدمت میں مناسب پیکج پیش کیا جائے گا۔
سعودی عرب سے واپسی پر حج آرگنائزرز سے خطاب کرتے ہوئے انہوں نے کہا کہ حج آرگنائزرز اور وزارتِ مذہبی امور کے درمیان مذاکرات میں ڈیڈ لاک کا اگر وزیرِ اعظم نواز شریف نے نوٹس نہ لیا تو عدالتوں سے رجوع کریں گے۔ انہوں نے کہا کہ سرکاری حکام عازمینِ حج کے حقوق کے تحفظ اور خدمات کو بہتر بنانے کے لئے مثبت تجاویز لے کر آئیں۔(جاری ہے)
اپنے من پسند افراد کو کوٹہ دینے کے لئے بلیک میلنگ نہ کریں اور حکومت کو ایک نئے بحران کی طرف نہ لے کر جائیں۔
انہوں نے کہا کہ پی پی پی حکومت کو کرپٹ اور نا اہل کہنے والے رشوت اور بدعنوانی کے ایسے راستے کھولنا چاہتے ہیں جس کا پی پی پی کے وزراء نے تصور بھی نہیں کیا تھا۔ لہٰذہ وزیرِ اعظم ایسے تمام اقدامات کا نوٹس لیں جن کی وجہ سے عازمینِ حج کی مشکلات میں اضافہ ہوگا۔ انہوں نے کہا کہ سعودی عرب کے پاکستان کے ساتھ بڑے قریبی تعلقات ہیں لیکن وزارت کی موجودہ صورتِ حال پر حج کے متعلق سعودی اداروں کو بھی تشویش ہے۔ سعودی وزارتِ حج چاہتی ہے کہ اسلامی مہینے رجب المبارک سے قبل عازمین کا ڈیٹا سعودی عرب کو فراہم کر دیا جائے۔ اور پاکستان کے حج آرگنائزرز کو ہر سال ہراساں نہ کیا جائے۔ اور قواعد و ضوابط کی خلاف ورزی کرنے والے آرگنائزرز پر بھاری جرمانے عائد کئے جائیں۔متعلقہ عنوان :
مزید اہم خبریں
-
بہترین حکمت عملی کے بغیر معاشی ترقی و خوشحالی ناممکن ،خوشحالی کیلئے مائیکرو اکنامک استحکام ضروری ہے،سابق نگران وزیر خزانہ شمشاد اختر
-
فوجی عدالتوں میں سویلینز کے ٹرائل کیخلاف لارجر بینچ کیلئے دائر درخواست منظور
-
لکی مروت میں شادی کی محفلِ موسیقی میں فائرنگ سے 6 افراد جاں بحق
-
وزیراعظم محمد شہباز شریف ایک روزہ دورے پر کراچی پہنچ گئے
-
وزیراعظم شہباز شریف نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
سولر پینل بنانے والوں کو 10 سالہ مراعات دینے کی پالیسی تیار
-
مولانا فضل الرحمان نے ٹاپ گیئر لگایا ہوا ہے، عوام صرف 2 مہینے انتظار کریں، شیخ رشید
-
سی ویو کے ساحل پر نوجوان کی مبینہ خودکشی کا ڈراپ سین ،نوجوان گھر واپس پہنچ گیا
-
سائفر کیس میں سزا سنانے والے جج کو واپس لاہور ہائیکورٹ بھیجنے کی سفارش
-
پنجاب میں داخل ہونے والے 2 دہشت گرد فائرنگ کے تبادلے میں ہلاک
-
لاہور سمیت 5 بڑے شہروں میں "اپنی چھت اپنا گھر" پروجیکٹ کی اصولی منظوری
-
اسلام آباد ہائیکورٹ کا بشریٰ بی بی کے پرائیویٹ لیب سے طبی معائنے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.