ایم کیوایم سمیت سیاسی، لسانی، مذہبی جماعتوں کے اندر ٹارگٹ کلرز اور دہشت گردوں کو فوری گرفتار کیاجائے ،ایاز لطیف پلیجو،
پرامن سیاسی کارکنوں کو سیاست کرنے کا موقع دیا جائے،سربراہ قومی عوامی تحریک
جمعہ 13 مارچ 2015 23:40
حیدرآباد(اُردو پوائنٹ اخبارتازہ ترین - آن لائن۔13مارچ۔2015ء) قومی عوامی تحریک کے ایاز لطیف پلیجو نے پلیجو ہاؤس میں پریس کانفرنس کرتے ہوئے بتایا کہ ایم کیوایم سمیت جن سیاسی، لسانی، مذہبی جماعتوں کے اندر ٹارگٹ کلرز اور دہشت گرد موجود ہیں ان کو فوری طورپر گرفتار کیاجائے اور پرامن سیاسی کارکنوں کو سیاست کرنے کا موقع دیا جائے۔ انہوں نے کہا کہ پاکستان کی ریاست ، حکومت اور جمہوری قوتوں کو ملک سے دہشت گردی، جرائم، انتہاپسندی اور کرپشن کے خاتمے کیلئے بھرپور جدوجہد کرنی ہوگی۔
انہوں نے کہاکہ جب بھی کراچی میں آپریشن ہوتا ہے تو چند مخصوص مفا د پرست سیاسی جماعتیں اپنے کاروباری مفادات، جرائم اور کرپشن کے تحفظ کیلئے اس آپریشن کی سخت مخالفت کرتے ہیں۔ انہوں نے کہاکہ پیپلزپارٹی دہشت گردوں کی پشت پناہی اور ان کی مکمل حمایت کررہی ہے۔(جاری ہے)
جب دہشت گرد پکڑے جاتے ہیں تو پیپلزپارٹی اور آصف علی زرداری رینجرز کے اس عمل کی مذمت کرتے ہیں ۔
انہوں نے کہاکہ عمران فاروق قتل کیس میں ملوث 2ملزمان کو فوری برطانیہ کے حوالے کیا جائے ، ایم کیوایم اپنے اندر مسلح گروہوں کو ختم کرے ، ٹارگٹ کلرز او ردہشت گردوں کو اپنی صفوں سے الگ کرے، جو دہشت گرد او رٹارگٹ کلرز ہیں ان کو فوری قانون نافذ کرنے والے اداروں کے حوالے کیا جائے ۔ انہوں نے کہاکہ اس وقت پاکستان میں امن وامان کی صورتحال تسلی بخش نہیں ہے ، دہشت گردی ، انتہا پسندی اور کرپشن سے شدید خطرات لاحق ہیں۔ پاکستان کی معیشت کا حب اور سندھ کا دارالحکومت کراچی دہشت گردوں کے ٹارگٹ پر ہے، عالمی طاقتیں پاکستان کو دہشت گردوں کے ذریعے غیر مستحکم کرنا چاہتی ہیں تاکہ پاکستان کو توڑ کر سمندری حدود اور کوسٹل ایریاز پر مشتمل ایک نیا اسرائیل قائم کیا جاسکے جس کے ذریعے اس خطے کے تمام ممالک پر اپنی گرفت مضبوط ہواور اسی سازش کے تحت کافی عرصے سے کراچی میں آگ اور خون کی ہولی کھیلی جارہی ہے۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.