پشتون اس ملک میں قومی برابری ، ملی وحدت اور قومی حق حاکمیت وحق ملکیت سے محروم ہے ،ہمارے تمام وسائل پر دوسروں کا استعماری قبضہ مسلط ہے،سینیٹر عبدالرؤف خان
جمعہ 13 مارچ 2015 22:52
اسلام آباد/کوئٹہ( اُردو پوائنٹ اخبارتازہ ترین - آن لائن۔13مارچ۔2015ء) پشتونخواملی عوامی پارٹی کے مرکزی سیکرٹری (ر) سینیٹر عبدالرؤف خان نے کہا ہے کہ پشتون اس ملک میں قومی برابری ، ملی وحدت اور قومی حق حاکمیت وحق ملکیت سے محروم ہے اور ہمارے تمام وسائل پر دوسروں کا استعماری قبضہ مسلط ہے جس کی وجہ سے پشتونخواوطن کے عوام دہشتگردی کا شکار ہے اور بھوک وافلاس ،بیروزگاری اور ناخواندگی ،مسافری کی اذیت ناک صورتحال میں زندگی گزارنے پر مجبور ہے اس اذیت ناک صورتحال اور قومی محکومی سے نجات قومی سیاست اور جدوجہد کے ذریعے ممکن ہے ۔
پشتونخوامیپ پشتو زبان کی سرکاری، تدریسی ،عدالتی زبان کی حیثیت سے ترویج اورقوموں کی برابری کیلئے اپنی تاریخی جدوجہد جاری رکھے گی۔ ان خیالات کا اظہار انہوں نے پشتونخوامیپ راوالپنڈی /اسلام آباد کی جانب سے منعقدہ تقریب کے موقع پر خطاب کرتے ہوئے کیا ۔(جاری ہے)
جس سے پارٹی کے ضلعی سیکرٹری عبدالقیوم اچکزئی نے بھی خطاب کیا ۔ تقریب میں پارٹی یونٹوں کے سیکرٹریز ،کارکنوں ،میڈیا کے نمائندوں ، شعراء اور ادیبوں نے شرکت کی ۔
انہوں نے کہا کہ پاکستان پشتون ،بلوچ، سندھی ،سرائیکی ،پنجابی اقوام پر مشتمل ایک قومی فیڈریشن ہے جس میں ہر قوم کی اپنے سرزمین ،تاریخ ،ثقافت اور وسائل موجود ہے لیکن ملک کے بالادست استعماری ،غیر جمہوری قوتوں نے پہلے دن سے قوتوں کے وجود کو تسلیم کرنے سے انکار کیا انہی قوتوں کے استعماری اور غیر جمہوری سوچ کی وجہ سے ملک کے محکوم اقوام بالخصوص پشتون اپنے تاریخ کے انتہائی نازک دور سے گزررہا ہے ۔ انہوں نے کہا کہ آج ایکسویں صدی میں بھی پشتون کسمپرسی کی زندگی گزارنے میں مجبور ہے اور اپنے مادروطن پر روزگار نہ ہونے کے باعث پشتون من حیث القوم اپنے وطن سے باہر مسافر قوم کی حیثیت سے سے زندگی گزارنے پرمجبور ہیں۔ قدرتی وسائل سے مالا مال وطن ہونے کے باوجود پشتون قوم زندگی کی تمام بنیادی سہولیات سے محروم ہے ۔ انہوں نے کہا کہ ملک بھر بالخصوص پنجاب پولیس پشتونوں کے ساتھ روا رکھے گئے ناروا غیر جمہوری غیر اخلاقی عمل کی پشتونخوامیپ شدید مذمت کرتی ہے پشتونوں کو مختلف حیلوں وبہانوں کے ذریعے حراساں کرنا اور انہیں حبس بیجا میں رکھا جاتا ہے اور ربھاری رقم رشوت لیکر بعد میں انہیں رہا کیا جاتا ہے جو کہ کسی صورت قابل قبول نہیں پنجاب حکومت سے مطالبہ کرتے ہیں کہ وہ پنجاب پولیس کے اس غیر قانونی غیر اخلاقی طرز عمل کا فی الفور نوٹس لیکر پشتونوں کو تنگ کرنے اور حراساں کر نے سلسلہ ترک کرے۔ انہوں نے پارٹی کے سینیٹرز عثمان خان کاکڑ ،سردار اعظم خان موسیٰ خیل ،محترمہ گل بشریٰ کو مبارکباد دی اور امید ظاہر کی کہ سینیٹرز پارٹی کے محبوب چےئرمین محترم مشر محمود خان اچکزئی کی قیادت میں بڑی جرات ،بہادری اور بے باکی سے چترال تا بولان بشمول اٹک میانوالی پر مشتمل پشتونخوا ،پشتونستان یا افغانیہ کے نام سے متحدہ صوبے کے قیام ،اپنے وسائل پر ملی واک واختیار اور پشتونخوا وطن میں پشتو زبان کی سرکاری ،تدریسی ،عدالتی زبان کی حیثیت سے ترویج اور قوموں کی برابری کیلئے اپنی تاریخی جدوجہد جاری رکھے گی۔مزید اہم خبریں
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
مفت دوائیں گھرپہنچانے کا منصوبہ،دیہاتوں کے مریض سہولت سے فائد ہ نہیں اٹھاسکیں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.