ٹنڈو الہ یار، ایم کیوایم کے دفاتر سے غیر ملکی اسلحے کی برآمدگی کے ڈرامے پہلے بھی بری طرح ناکام ہو چکے ہیں،نوید قائم خانی
جمعرات 12 مارچ 2015 17:40
ٹنڈو الہ یار(اُردو پوائنٹ اخبار تازہ ترین۔12مارچ۔2015ء) ایم کیوایم کے مرکز 90پر غیر قانونی چھاپے کے دوران رینجرز اہلکاروں کی فائرنگ سے شہید ہونے والے شعبہ اطلاعات کے رکن سید وقاص علی شاہ کی غائبانہ نماز جنازہ متحدہ قومی موومنٹ ٹنڈو الہ یار زون کے زیر اہتمام قلعہ چوک کے مقام پر ادا کی گئی ۔ اس موقع پر زونل انچارج نوید قائم خانی و اراکین زونل کمیٹی ، یونٹ ذمہ داران اور کارکنان کی بڑی تعداد موجود تھے۔
غائبانہ نماز جنازہ کے بعد شہید وقاص علی شاہ سمیت تمام حق پرست شہداء کے ایصال ثواب اور درجات کی بلندی کے لئے دعا کی گئی ۔ اس موقع پر زونل انچارج نوید قائم خانی نے اپنے خیالات کا اظہار کرتے ہوئے کہا کہ ایم کیوایم کے مرکز 90پر رینجرز کی جانب سے کی گئی چڑھائی آئین و قانون کی دھجیاں اڑانے کے مترادف ہے ۔(جاری ہے)
متحدہ قومی موومنٹ کو ختم کرنے کے لئے ماضی میں بھی اس قسم کے اقدامات کئے گئے لیکن عوام کے دلوں سے قائد تحریک الطاف حسین کی محبت کو ختم نہیں کیا جاسکا ۔
انہوں نے کہا کہ رینجرز نے اپنی کاروائی کے دوران جس طریقے سے چادر اور چار دیواری کا تقدس پامال کیا ہے ۔ اس سے ایسا گمان ہوتا ہے کہ 90اور اطراف کا علاقہ کسی دوسرے ملک سے تعلق رکھنے والا مفتوحہ علاقہ ہو۔ اور اس علاقے کو فتح کر کے رینجرز نے بہت بڑا کارنامہ انجام دیا ہے۔ انہوں نے کہا کہ ایم کیوایم کے دفاتر سے غیر ملکی اسلحے کی برآمدگی کے ڈرامے پہلے بھی بری طرح ناکام ہو چکے ہیں۔ رینجرز کے تازہ ترین دعوے بھی ماضی کی طرح ناکامی سے دوچار ہوں گے۔ انہوں نے کہا کہ رینجرز اہلکاروں کی بدحواسی کا یہ عالم ہے کہ انہوں نے اپنی کاروائی کے دوران قائد تحریک الطاف حسین کی بڑی بہن سائرہ اسلم باجی کے گھر کو بھی نہیں بخشا اور اس موقع پر جس کی قسم کی زبان کا استعمال کیا گیا وہ نہ صرف انتہائی قابل مذمت بلکہ عوام کے دلوں میں قانون نافذ کرنے والے اداروں کے لئے منفی جذبات ابھارنے کے مترادف ہے۔ انہوں نے کہا کہ اپنی شرمناک کاروائی کے دوران رینجرز اہلکاروں نے جس دیدہ دلیری کے ساتھ سید وقاص علی شاہ نامی نوجوان طالبعلم کو اپنی گولی کا نشانہ بنایا اس عمل پر انہیں بہادری کے اعلیٰ ترین اعزاز سے نوازے جانے کی ضرورت ہے۔ طالبان دہشت گردوں، گینگ وار کے مسلح جتھوں اور کالعدم تنظیموں کے قاتلوں کا سامنا کرتے وقت کپکپاتی ٹانگوں کے ساتھ مختلف کونوں میں چھپنے والے رینجرز اہلکاروں نے نظریاتی طور پر مسلح ایک نہتے نوجوان پر گولیاں برسا کرثابت کر دیا ہے کہ وہ کتنے بزدل ہیں۔انہوں نے کہا کہ اس قسم کی بزدلانہ کاروائیاں عوام کے دلوں سے ایم کیوایم کی محبت کو ختم کرنے کے بجائے اس تعلق کو مزید مستحکم کرنے کا سبب بنیں گی ۔اور ایم کیوایم کے خلاف سازشیں کرنے والوں کو ہمیشہ کی طرح منہ کی کھانی پڑیگی ۔متعلقہ عنوان :
مزید قومی خبریں
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.