سندھ کے نئے چیف سیکرٹری کے لئے سندھ حکومت اور وفاقی حکومت کے درمیان صدیق میمن اور طاہر رضا نقوی کے 2 ناموں پر اتفاق ہوگیا
منگل 10 مارچ 2015 22:41
کراچی (اردو پوائنٹ تازہ ترین اخبار .10 مارچ 2015ء) سندھ کے نئے چیف سیکرٹری کے لئے سندھ حکومت اور وفاقی حکومت کے درمیان صدیق میمن اور طاہر رضا نقوی کے 2 ناموں پر اتفاق ہوگیا ہے۔ ان میں سے کسی ایک کی تقرری آئندہ ایک دو روز میں ہوجائے گی۔ یہ بات حکومت سندھ کے انتہائی ذمہ دار ذرائع نے بتائی ہے۔ ذرائع کے مطابق صدیق میمن نے پیر کو اسلام آباد میں وفاقی حکومت اور پیپلز پارٹی کی اہم شخصیات سے ملاقات کی۔
باور کیا جاتا ہے کہ انہیں سندھ کے نئے چیف سیکرٹری کی ذمہ داریاں سونپی جاسکتی ہیں۔ صدیق میمن اس وقت پاکستان نیشنل شپنگ کارپوریشن (پی این ایس سی) کے چیئرمین ہیں۔ وہ سندھ میں وزیراعلیٰ سندھ کے پرنسپل سیکرٹری، محکمہ تعلیم اور دیگر اہم محکموں کے سیکرٹری کے طور پر بھی فرائض انجام دے چکے ہیں۔(جاری ہے)
ذرائع نے بتایا ہے کہ طاہر رضا نقوی بھی پیپلز پارٹی کی قیادت کے لئے قابل قبول ہیں۔
وہ پیپلز پارٹی کی وفاقی حکومت کے دوران اہم عہدوں پر فائز رہے ہیں۔ وہ اس وقت وزارت امور کشمیر میں ایڈیشنل سیکرٹری کے طور پر فرائض انجام دے رہے ہیں۔ چیف سیکرٹری سندھ سجاد سلیم ہوتیانہ نے منگل کو اپنے دفتر میں بیٹھ مختلف امور نمٹائے اور انہوں نے چین سے آئے ہوئے ایک وفد سے ملاقات بھی کی۔ چیف سیکرٹری نے عام لوگوں سے بھی ملاقاتیں کیں۔ وزیراعظم نواز شریف بدھ کو سندھ کے ایک روزہ دورے پر آرہے ہیں توقع کی جارہی ہے کہ ان کے اس دورے میں چیف سیکرٹری سندھ کا مسئلہ حل ہوجائے گا۔متعلقہ عنوان :
مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.