ایم کیوایم کی نظریں سینیٹ چیئرمین شپ پر
پیر 9 مارچ 2015 22:15
اسلام آباد(اُردو پوائنٹ اخبارتازہ ترین۔9مارچ۔2015ء) متحدہ قومی موومنٹ نے حکمران جماعت مسلم لیگ ن سے سینیٹ چیئرمین شپ کے لیے اپنے امیدوار کی حمایت مانگ لی ہے۔ ڈان نیوز کے مطابق سینیٹ کے دونوں اہم عہدوں پر متحدہ قومی موومنٹ کی حمایت حاصل کرنے کیلئے آج مسلم لیگ ن کے وفد نے پارلیمنٹ لاجز میں ایم کیو ایم کے رہنماؤں سے ملاقات کی۔ سینیٹ اراکین کے انتخاب کے بعد ملک کا سیاسی درجہ حرارت عروج پر ہے اور ایوان بالا کے چیئرمین اور ڈپٹی چیئرمین کیلئے سیاسی حریفوں کو منانے کا سلسلہ جاری ہے۔
حکمران جماعت کے وفد میں وفاقی وزراء پرویز رشید اور خواجہ سعد رفیق شام تھے۔ ملاقات کے بعد وفاقی وزیر ریلوے خواجہ سعد رفیق نے میڈیا سے گفتگو کرتے ہوئے کہا کہ ایم کیو ایم ملک میں ایک بڑی اکثریت کی نمائندگی کرتی ہے اور اسی لئے ان سے سینیٹ کے چیئرمین اور ڈپٹی چیئرمین کے امیدوار کے حوالے حمایت کرنے پر بات چیت کی گئی۔(جاری ہے)
مسلم لیگ ن کے رہنما کا کہنا تھا کہ ایوان بالا اس وقت تک موثر نہیں ہوسکتا جب تک تمام سیاسی جماعتیں مل کر فیصلہ نہیں کرتیں۔
ان کا کہنا تھا کہ حکومت ایک فنکشنل سینیٹ کے قیام کی خواہشمند ہے۔ اس موقع پر ایم کیوایم کے رہنما فاروق ستار نے سیاسی جماعتوں کے درمیان بات چیت اور رابطوں کے عمل کو مسلسل جاری رکھنے کی ضرورت پر زوردیتے ہو ئے کہا کہ پاکستان میں بات چیت سے سیاست و جمہوریت مستحکم ہوگی۔ حکمران جماعت کے وفد سے ملاقات کے بعد ایم کیو ایم کے رہنما رؤف صدیقی کا کہنا تھا کہ گزشتہ پچاس سال دوسری پارٹیوں کے چیرمین سینیٹ منتخب کرواتے آرہے ہیں اب کی بار باقی جماعتیں ایم کیوایم کے امیدوار کو ووٹ دیں۔ ان کا کہنا تھا کہ اکثریت ہوئی تو چیئرمین اور ڈپٹی چیئرمین کیلئے خودبھی امیدوار کھڑا کرسکتےہیں۔ انھوں نے امید کا اظہار کیا کہ ان کے امیدوار کو ووٹ مل جائیں گے۔ رؤف صدیقی کا کہنا تھا کہ قوم کے اعتماد کو آگے بڑھانے کیلئے اقدامات کرنے ہوں گے۔ ایم کیو ایم رہنماؤں کی جانب سے اس بات پر زور دیا گیا کہ ن لیگ کی تجاویز پر غور کر رہے ہیں۔ لیکن ابھی مزید مشاورت کی ضرورت ہے۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.