میرپورخاص اور گردونواح میں گندم کی نئی فصل مارکیٹ میں آنا شروع

پیر 9 مارچ 2015 15:11

میر پور خاص(اُردو پوائنٹ اخبار تازہ ترین۔09مارچ۔2015ء)میرپورخاص اور گردونواح میں گندم کی نئی فصل مارکیٹ میں آنا شروع ہوگئی اور کھیتوں میں گندم کی کٹائی عروج پر ہے۔ میرپورخاص میں گندم کی فصل ملک کے دیگر علاقوں کی نسبت تقریباَ 2 ہفتے قبل ہی تیار ہوکر مارکیٹ آنا شروع ہوجاتی ہے۔

(جاری ہے)

اس وقت گندم کی روائتی طریقوں سے کٹائی عروج پر ہے اور یہ سلسلہ اس ماہ کے آخر تک جاری رہیگا۔ سندھ حکومت نے اس سال گندم کی سرکاری قیمت 13سو روپے فی من مقرر کی ہے۔ ربیع کی اس اہم ترین فصل کی ضلع بھر میں اوسط کاشت ایک لاکھ 38 ہزار ایکڑ سے زائد ہے۔ تاہم کاشتکاروں کا کہنا ہے کہ گزشتہ سال کے مقابلے اس مرتبہ گندم کی فی ایکڑ پیداوار میں کمی واقع ہوئی ہے۔

Facebook Twitter Google + Share on Whatsapp

میرپورخاص اور گردونواح میں گندم کی نئی فصل مارکیٹ میں آنا شروع

مزید تجارتی خبریں