مدارس کے معاملے پر قانون سازی کی ضرورت ہے‘ دہشت گردی کی تربیت دینے والے مدارس کے خلاف بھرپور کاروائی کی جائے گی‘پنجاب حکومت دہشت گردوں کے خلاف بلاتفریق کاروائی کرتی تو آج طالبان اور کالعدم تنظیموں کی مشروم گروتھ نہ ہوئی ہوتی‘ وزیر اعلیٰ سندھ نے امن و امان کی بحالی کے لئے پولیس اور رینجرز کو فری ہینڈ دے رکھا ہے جو جرائم پیشہ عناصر کے خلاف بلاتفریق کاروائیاں کررہے ہیں‘ پیپلزپارٹی میں فارورڈ بلاک کسی کی سوچ تو ہوسکتا ہے لیکن اس کا حقیقت سے تعلق نہیں ہے،صوبائی وزیر اطلاعات و بلدیات شرجیل انعام میمن کی پریس کانفرنس
اتوار 8 مارچ 2015 18:54
حیدرآباد(اُردو پوائنٹ اخبارتازہ ترین - آئی این پی۔8 مارچ۔2015ء) صوبائی وزیر اطلاعات و بلدیات شرجیل انعام میمن نے کہا ہے کہ مدارس کے معاملے پر قانون سازی کی ضرورت ہے‘ دہشت گردی کی تربیت دینے والے مدارس کے خلاف بھرپور کاروائی کی جائے گی‘پنجاب حکومت دہشت گردوں کے خلاف بلاتفریق کاروائی کرتی تو آج طالبان اور کالعدم تنظیموں کی مشروم گروتھ نہ ہوئی ہوتی‘ وزیر اعلیٰ سندھ نے امن و امان کی بحالی کے لئے پولیس اور رینجرز کو فری ہینڈ دیا ہوا ہے جو جرائم پیشہ عناصر کے خلاف بلاتفریق کاروائیاں کررہے ہیں‘ پیپلزپارٹی میں فارورڈ بلاک کسی کی سوچ تو ہوسکتا ہے لیکن اس کا حقیقت سے تعلق نہیں ہے‘ اگر فارورڈ بلاک ہوتا تو سینیٹ الیکشن میں سامنے آجاتا‘ وہ سابق ضلع ناظم سیکریٹریٹ حیدرآباد میں پریس کانفرنس سے خطاب کررہے تھے‘ شرجیل انعام میمن کا کہنا تھا کہ نیشنل ایکشن پلان پر عملدرآمد کی پوری کوشش کر رہے ہیں‘ مدارس کے ایشوز پر قانون سازی کی ضرورت ہے جس کے لئے وفاق سے رابطہ کیا گیا ہے‘ انہوں نے کہا کہ اسلامی تعلیم دینے والے مدارس قابل احترام ہیں مگر دہشت گردی کی تربیت دینے والے مدارس کے خلاف بھرپور کاروائی کی جائے گی‘ شرجیل میمن نے کہا کہ وزیر اعلیٰ سندھ نے امن و امان کی بحالی کے لئے پولیس اور رینجرز کو فری ہینڈ دیا ہوا ہے جو جرائم پیشہ عناصر کے خلاف بلاتفریق کاروائیاں کررہے ہیں جس کا واضح ثبوت لیاری میں ہونے والا آپریشن ہے‘ انہوں نے کہا کہ جرائم پیشہ افراد کی گرفتاری کے بعد ان کی رہائی کے لئے سفارش نہیں کی جاتی اور پولیس و رینجرز کو کسی مخصوص علاقے میں آپریشن کا نہیں کہا جاتا ہے‘ انہوں نے کہا کہ کراچی آپریشن کے آغاز کے وقت وزیر اعظم سے مطالبہ کیا تھا کہ سندھ کے لئے خصوصی پیکیج کا اعلان کیا جائے اور وزیر اعظم نے فنڈز کی فراہمی کا وعدہ بھی کیا تھا جو تاحال وفا نہیں ہوسکا ہے‘ اس وقت سندھ کو زیادہ فنڈز کی ضرورت ہے کیونکہ دہشت گردی کے خلاف آپریشن‘ شہداء کے لئے فنڈز اور جدید آلات کی خریداری کی وجہ سے مشکلات کا سامنا ہے‘ شرجیل میمن کا کہنا تھا کہ اگر پنجاب حکومت دہشت گردوں کے خلاف بلاتفریق کاروائیاں کرتی تو آج طالبان اور کالعدم تنظیموں کی گروتھ نہ ہوتی‘ انہوں نے کہا کہ سندھ میں دو فوجی عدالتیں قائم ہیں مگر انہیں مقدمات بھیجنے کا اختیار سندھ حکومت کو حاصل نہیں ہے‘ کچھ مقدمات فوجی عدالتوں میں بھیجنے کے لئے وفاق کو ارسال کئے گئے ہیں‘ شرجیل میمن نے کہا کہ پیپلزپارٹی میں فارورڈ بلاک کسی کی سوچ تو ہوسکتا ہے لیکن اس کا حقیقت سے کوئی تعلق نہیں ہے اگر پارٹی میں کوئی فارورڈ بلاک ہوتا تو سینیٹ الیکشن کے دوران سامنے آجاتا‘ سندھ میں سینیٹ الیکشن کے دوران کوئی دھاندلی نہیں ہوئی‘ پیپلزپارٹی کو تمام 92 ممبران نے ووٹ دیئے ہیں‘ گذشتہ سینیٹ انتخابات کے دوران پیپلزپارٹی نے فنکشنل لیگ کو ووٹ دے کر ان کا ایک سینیٹر منتخب کرایا مگر اس مرتبہ فنکشنل لیگ نے پیپلزپارٹی کو ووٹ نہیں دیا جو اُن کی مرضی ہے۔
متعلقہ عنوان :
مزید اہم خبریں
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
صدرسے بینکنگ محتسب پاکستان سراج الدین عزیز کی ملاقات ، سالانہ رپورٹ پیش کی
-
پاکستان کا چین کے ساتھ چائے کے شعبے میں تعاون مزید بڑھانے کا فیصلہ
-
آرمی چیف سے سعودی عرب کے معاون وزیر دفاع کی ملاقات، دفاعی تعلقات پر تبادلہ خیال
-
امید ہے آئی ایم ایف کیساتھ نئے قرض پروگرام کے خدوخال مئی میں طے پا جائیں گے، وزیرخزانہ
-
وزیراعظم کی زیر صدارت اسمگلنگ کی روک تھام کے حوالے سے اعلیٰ سطحی اجلاس ، مختلف امورپر بریفنگ
-
پاکستان سے سمگلنگ کے خاتمے کا پختہ عزم رکھتا ہوں،وزیراعظم شہباز شریف
-
آئی ایم ایف نے پاکستانی معیشت کی بہتری پر مثبت ردعمل دیدیا
-
اقوام متحدہ میں پاکستان کے مستقل مندوب کی ایرانی وزیر خارجہ سے ملاقات ،باہمی تعاون اورمختلف امور پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.