پاکستان میں کپاس کی اوسط فی ایکڑ پیداوار 15 فیصد اضافے کے ساتھ 820 کلو گرام فی ہیکٹر تک پہنچ گئی ہے ،انٹرنیشنل کاٹن ایڈوائزری کمیٹی
ملکی پیداوار 11 فیصد اضافے کے ساتھ 2.3 ملین ٹن رہنے کا امکان ہے ،پاکستان میں روئی کی درآمدات میں بھی9فیصد کمی کا امکان ظاہر کیا گیا ہے ،رپورٹ
جمعرات 5 مارچ 2015 20:48
کراچی (اُردو پوائنٹ اخبارتازہ ترین - آن لائن۔5 مارچ۔2015ء) امریکی زرعی ادارے انٹر نیشنل کاٹن ایڈوائزری کمیٹی کی رپورٹ کے مطابق 2014-15 کے دوران پاکستان میں کپاس کی اوسط فی ایکڑ پیداوار 15 فیصد اضافے کے ساتھ 820 کلو گرام فی ہیکٹر تک پہنچ گئی ہے جو کہ بھارت کے مقابلے میں36فیصد زائد ہے جبکہ پاکستان کی مجموعی ملکی پیداوار 11 فیصد اضافے کے ساتھ 2.
(جاری ہے)
3 ملین ٹن رہنے کا امکان ہے جس کے باعث پاکستان میں روئی کی درآمدات میں بھی 2014-15 کے دوران 9 فیصد کمی کا امکان ظاہر کیا گیا ہے ، چیئرمین کاٹن جنرز فورم احسان الحق کا کہنا ہے کہ اگر پاکستان میں زرعی مداخل پر عائد جی ایس ٹی ختم کر دیا جائے تو اس سے پاکستان میں کپاس کی فی ایکڑ پیداوار میں مزید اضافہ کیا جا سکتا ہے جس سے ہماری روئی کی درآمدات میں کافی کمی واقع ہو سکتی ہے، آئی سی اے سی کی رپورٹ میں کہا گیا ہے کہ کاٹن ایئر 2014-15 کے اختتام پر چین کے علاوہ کپاس پیدا کرنے والے دنیا کے دیگر ممالک کے پاس روئی کے اینڈنگ سٹاکس پچھلے 35 سال کی بلند ترین سطح 9.5 ملین ٹن تک پہنچ جائیں گے جس کی بڑی وجہ دنیا کے بیشتر ممالک میں روئی کی جگہ پولسٹر فائبر کا بڑھتا ہوا استعمال ہے تاہم 2015-16 میں دنیا بھر میں کپاس کی پیداوار 2014-15 ء کے مقابلے میں7فیصد سے زائد کمی متوقع ہے ، رپورٹ کے مطابق 2014-15 کے اختتام پر چین میں روئی کے اینڈنگ سٹاکس 12 ملین ٹن رہنے کا امکان ہے جو دنیا کے کل سٹاکس کا 56 فیصد ہے جبکہ چین میں روئی کی پیداوار میں 7 فیصد کمی کے امکان کے باعث 6.4 ملین ٹن ہونے کا امکان ہے جبکہ دنیا بھر میں 2014-15ء کے دوران روئی کی پیداوار 26.36 ملین ٹن جبکہ اینڈنگ سٹاکس 11 فیصد اضافے کے ساتھ 22ملین ٹن رہنے کا امکان ظاہر کیا گیا ہے، رپورٹ میں کہا گیا ہے کہ بھارتی کاٹن ایکسپورٹس میں بھی 2014-15 کے دوران کافی کمی کا امکان ہے
متعلقہ عنوان :
مزید تجارتی خبریں
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
-
چینی کارساز کمپنی چیری کا ٹیگو 8 کی قیمت میں بڑی کمی کا اعلان
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
دو ہفتوں کے دوران پیٹرول کی قیمت میں 5 فیصد اضافہ
-
پاکستان اسٹاک مارکیٹ بدھ کو بھی کاروباری اتار چڑھائو کی زد میں رہی ،اگرچہ ٹریڈنگ کے دوران انڈیکس 70700پوائنٹس کی بلند سطح عبور کر گیا تھا تاہم پرافٹ ٹیکنگ کیلئے فروخت کے دبائو سے تیزی مندی میں تبدیل ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.