شاہ فیصل زون میں خصوصی صفائی مہم کے دوران گرین ٹاؤن اور گولڈن ٹاؤن اور ریلوے ٹریک کے اطراف سے سینکڑوں ٹن کچرا اُٹھا کر ٹھکانے لگا دیا گیا

بدھ 4 مارچ 2015 20:28

کراچی (اُردو پوائنٹ اخبارتازہ ترین - این این آئی۔4مارچ۔2015ء) شاہ فیصل زون میں خصوصی صفائی مہم کے دوران گرین ٹاؤن ،گولڈن ٹاؤن،موریہ خان گوٹھ اور ریلوے ٹریک کے اطراف سمیت ملحقہ آبادیوں سے سینکڑوں ٹن ،کچرا ،ملبہ اور مٹی کے ڈھیروں کو اُٹھا کر ٹھکانے لگا دیا گیا ۔ ایڈمنسٹریٹر بلدیہ کورنگی عبدالراشد خان نے سیاسی و سماجی رہنماؤں علاقہ معززین و عمائدین اور عوام سے اپیل کی ہے کہ علاقائی سطح پر صاف ستھرے صحت مند ماحول کے قیام کے لئے بلدیہ کورنگی کا ساتھ دیں ان خیالات کا اظہار انہوں نے شاہ فیصل زون بلدیہ کورنگی کے تحت "صاف ۔

(جاری ہے)

سرسبز اور پرامن سندھ مہم "کے حوالے سے جاری خصوصی صفائی مہم کا معائنہ کرتے ہوئے افسران و عملے کو تاکید کی ہے کہ صفائی وستھرائی کے حوالے سے انتظامات کو بہتر بنا کر صحت مند ماحول کا قیام یقینی بنا ئیں گرین ٹاؤن اور گولڈن ٹاؤن میں صفائی و ستھرائی کے حوالے سے جاری انتظامات کے معائنے کے موقع پر عوامی وفود سے گفتگو کرتے ہوئے کہاکہ عوام کے تعاون سے گرین ٹاؤن اور گولڈن ٹاؤن میں عوام کو صاف ستھرا ماحول فراہم کرنے کے لئے صفائی وستھرائی کا مثالی نظام قائم کیا جائیگا اس موقع پر عوام نے علاقائی مسائل کے حوالے سے شکایات ایڈمنسٹریٹر بلدیہ کورنگی کو پیش کی جس پر انہوں نے موقع پر موجود افسران کو فوری طور پر عوامی شکایا کا ازالہ کرنے کی ہدایت کرتے ہوئے محکمہ صفائی اور پارکس کو ہدایت کی کہ گرین ٹاؤن ،گولڈن ٹاؤن اور ریلوے ٹریک کے اطراف صفائی وستھرائی کے ساتھ سرسبز ماحول کا قیام یقینی بنا یا جائے ایڈمنسٹریٹر بلدیہ کورنگی عبدالراشد خان نے محکمہ انسداد تجاوزات اور بلڈنگ اینڈ روڈ ڈیپارٹمنٹ کو ہدایت کی کہ ضلع کورنگی کی حدود میں شاہراہوں اور فٹ پاتھوں سے تجاوزات اور وال چاکنگ کے خاتمے کے ساتھ شاہراہوں پر آویزاں بینرز ہٹا نے کے حوالے سے موثر انداز میں مہم چلا ئی جائے ۔

متعلقہ عنوان :