صوبائی حکومت عوام کا معیار زندگی بلند کر نے کے لئے تمام تر وسائل بروے کار لارہی ہے، بلوچستان کے دور افتادہ علاقوں میں بھی مفت اور معیاری علاج معالجے کی سہولت فراہم کرنے کے بھر پور اقدامات کیے جا رہے ہیں،

نیشنل پارٹی کے مرکزی رہنما و صوبائی وزیر صحت میر رحمت صالح بلوچ کی کارکنوں سے گفتگو

منگل 3 مارچ 2015 22:58

مچھ( اُردو پوائنٹ اخبار تازہ ترین۔03مارچ۔2015ء) نیشنل پارٹی کے مرکزی رہنما و صوبائی وزیر صحت میر رحمت صالح بلوچ نے کہا ہے کہ صوبائی حکومت عوام کا معیار زندگی بلند کر نے کے لئے تمام تر وسائل بروے کار لارہی ہے بلوچستان کے دور افتادہ علاقوں میں بھی مفت اور معیاری علاج معالجے کی سہولت فراہم کرنے کے بھر پور اقدامات کیے جا رہے ہیں حکومت پسماندہ اضلاع کی پسماندگی کے خاتمے کے لئے پر عظم اور کوشاں ہے ۔

(جاری ہے)

ان خیالات کا اظہار مچ میں نصیرآباد اور سبی ڈویثرن کے تفصیلی دورے کے بعد نیشنل پارٹی مچ کے کارکنوں سے مچ میں گفتگو کرتے ہو ئے کیا اس موقع پر ان کے ہمراہ مرکزی کمیٹی کے ممبران عبدلرسول بلوچ ، چنگیز حئی بلوچ عبدالصمد رند و دیگر رہنما بھی ان کے ہمراہ تھے انہوں نے کہا دیہی علاقوں میں بھی ڈاکٹرز کو ڈیوٹی کرنے کا پابند بنایا گیا ہے غیر حاضر ڈاکٹرز اور پیرامیڈیکس کے خلاف سخت محکمانہ کاروائی کیجائے گی اقتدار سے زیادہ عوام کا مفاد عزیز ہے ہر صورت میں ساحل اور وسائل کا دفاع اور بلوچستان کے حقوق کا دفاع کریں گے مچ سول ہسپتال کے لئے ایمبولینس فراہم کی جائیگی اور عنقریب مچ کا تفصیلی دورہ کروں گا محکمہ صحت کے اداروں کا وزٹ بھی کروں گا اور مچ کے کارکنوں کو ٹائم بھی دوں گا انہون نے کہا کارکن پارٹی پروگرام کو نظریاتی اور شعوری بنیادوں پر پہنچانے کے لئے اپنی تمام تر صلاحتیں بروے کار لائیں اور مڈل کلاس قیادت ہی بلوچستان کے غصب شدہ حقوق حاصل کر سکتی ہے ماضی کی حکومتوں اور موجودہ حکومت کی کارکردگی کا موازنہ بھی عوام خود کریں کرپشن بدعنوانی کمیشن اور بھتہ خوری کو خاتمے کے لئے ہمیں بڑی حد تک کامیابی ملی ہے امن و امان پہلے سے کافی بہتر ہوا ہے اس موقع پر نیشنل پارٹی کے ضلعی ڈپٹی سیکریٹری جنرل غلام سرور بلوچ ، آرگنائزر غلام فاروق شاہوانی ، ڈپٹی آرگنائزر فضل محمد بلوچ نور بخش بلوچ ظہور تالپور ، مقصود احمد بلوچ بی ایس او کے رہنما حیات بلوچ سمیت سینکڑوں کارکن موجود تھے ۔

متعلقہ عنوان :