بھارتی سیکرٹری خارجہ پاکستان پہنچ گئے
منگل 3 مارچ 2015 13:01
اسلام آباد( اُردو پوائنٹ اخبار تازہ ترین۔03مارچ۔2015ء ) بھارت کے سیکرٹری خارجہ ایس جے شنکر 2 روزہ دورے پر پاکستان پہنچ گئے ہیں۔میڈیا رپورٹس کے مطابق اسلام آباد پہنچنے پر بھارتی ہائی کمیشن اوردفترخارجہ کے اعلیٰ حکام نے بھارتی سیکرٹری خارجہ کا استقبال کیا۔ایس جے شنکر وزارت خارجہ کا مختصر وفد بھی اپنے ہمراہ لے کر آئے ہیں۔اپنی ملاقاتوں کے دوران امن مذاکرات کی دوبارہ بحالی کے امکانات کا جائزہ لیا جائے گا جو کہ جنوری 2013 سے معطل ہیں۔
دونوں ممالک کے خارجہ سیکرٹریوں کی ملاقات کا بنیادی ایجنڈا خطے میں باہمی تعاون اور تجارت ہے تاہم دونوں اطراف نے باہمی معاملات پر بات چیت کرنے پر بھی اتفاق کیا ہے۔ایس جے شنکر وزیراعظم کے مشیر برائے خارجہ و قومی سلامتی سرتاج عزیز سے بھی ملاقات کریں گے جبکہ ان کی وزیراعظم نواز شریف بھی ملاقات کا امکان ہے۔(جاری ہے)
بھارتی سیکرٹری خارجہ کی اسلام آباد آمد ان کے اتوار سے شروع ہونے والے سارک ممالک کے دوروں کے دوران تیسرا اسٹاپ ہے، اس سے پہلے وہ بھوٹان اور بنگلہ دیش بھی جاچکے ہیں جبکہ آج بدھ کو وہ اسلام آباد سے کابل کے لیے روانہ ہوں گے۔
واضح رہے کہ یہ دورہ لگ بھگ سات ماہ بعد ہورہا ہے جب ہندوستان نے اگست میں خارجہ سیکرٹریوں کے درمیان مذاکرات کو اس جواز کے ساتھ منسوخ کردیا تھا کہ دہلی میں پاکستانی ہائی کمشنر عبدالباسط نے کشمیری رہنماؤں سے مشاورت کی ہے۔حکام بتاتے ہیں کہ دونوں اطراف کے درمیان "مذاکرات کے لیے بات چیت" ہوگی (یعنی معطل مذاکرات کی بحالی پر مذاکرات)۔دونوں ممالک کے درمیان مذاکرات بدستور معطل ہیں جس کی وجہ لائن آف کنٹرول اور ورکنگ باؤنڈری پر جنگ بندی کی مسلسل خلاف ورزی ہے جس میں گزشتہ دو برسوں کے دوران بدترین اضافہ ہوا ہے۔مانا جارہا ہے کہ بھارتی وزیراعظم نریندرا مودی کی بیان کردہ " سارک یاترا" کو پاکستان کے ساتھ امن مذاکرات کی بحالی کے مقصد کے لیے بطور کور استعمال کررہا ہے۔اگرچہ ہندوستان کی وزارت خارجہ کے ترجمان سید اکبرالدین نے کچھ روز قبل یہ اشارہ دیا تھا کہ دہلی، مسئلہ کشمیر پر بات کرنے کے لیے تیار ہے اور پاکستان تمام مسائل پر تبادلہ خیال کرنے میں دلچسپی رکھتا ہے، کچھ حالیہ واقعات جن میں آرمی چیف جنرل راحیل شریف کا ورکنگ باؤنڈری کا دورہ اور مقبوضہکشمیر کے نو منتخب وزیراعلیٰ مفتی سعید کا وادی میں پرامن انتخابات پر پاکستان کا شکریہ ادا کرنے کے بیان نے بھی ہندوستان کو مزید محتاط بنا دیا ہے۔متعلقہ عنوان :
مزید اہم خبریں
-
پاکستان میں مہنگائی تیزی سے کم ہو کر کم ترین سطح پر آگئی ہے،گورنر سٹیٹ بینک
-
پنجاب ،ضمنی انتخابات کے پیش نظر 10اضلاع میں دفعہ 144نافذ
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.