پنجاب کی حکومت کے شیخوپورہ میں ایک ہزار میگا واٹ بجلی پیدا کرنے کے پلانٹ کا وہی حشر ہو گا جو کہ اوکاڑہ میں بجلی کے پراجیکٹ لگانے کا ہوا ہے ، اوکاڑہ کے منصوبے قصہ پارینہ ہو گئے ہیں، نندی پور پاور پراجیکٹ اِس دورحکومت کا سفید ہاتھی ثابت ہوا ہے جو اربوں روپے ہڑپ کر چکا ہے اور بند پڑا ہے،
پیپلز پارٹی سنٹرل پنجاب کے سیکریٹری جنرل تنویر اشرف کائرہ کا بیان
پیر 2 مارچ 2015 23:33
لاہور ( اُردو پوائنٹ اخبارتازہ ترین - آن لائن۔2مارچ۔2015ء ) پیپلز پارٹی سنٹرل پنجاب کے سیکریٹری جنرل تنویر اشرف کائرہ نے کہا ہے کہ پنجاب کی حکومت کے شیخوپورہ میں ایک ہزار میگا واٹ بجلی پیدا کرنے کے پلانٹ کا بھی وہی حشر ہو گا جو کہ اوکاڑہ میں بجلی کے پراجیکٹ لگانے کا ہوا ہے ، اوکاڑہ کے منصوبے قصہ پارینہ ہو گئے ہیں۔ پیر کو جاری بیان میں انہوں نے کہا کہ اب لوگ حکومتی وعدوں پر اعتبار نہیں کرتے اور کہا کہ شیخوپورہ کا پاور پلانٹ بھی اُسی طرح کچھ عرصے کے بعد بغیر بجلی پیدا کئے ہوا میں اڑ جائے گا۔
انہوں نے مزید کہا کہ نندی پور پاور پراجیکٹ اِس حکومت کا ایک بڑا سفید ہاتھی ثابت ہوا ہے جو اربوں روپے ہڑپ کر چکا ہے اور بند پڑا ہے۔ انہوں نے کہا کہ ایسا معلوم ہوتا ہے کہ پنجاب کی موجودہ حکومت بجلی کی لوڈشیڈنگ ختم کرنے کا وعدہ پورا نہ کر کے گینیس بک آف ریکارڈ میں اپنا نام درج کروانا چاہتی ہے۔(جاری ہے)
انہوں نے کہا کہ بلند بانگ دعووں کے باوجود موجودہ دور میں بجلی کی رسد طلب کے مقابلے میں مسلسل کم رہی ہے اور افسوس کہ یہ فرق دن بدن بڑھتا جا رہا ہے۔
ایسا معلوم ہوتا ہے کہ اسکو قابو کرنا حکومت کے بس کی بات نہیں ہے اور وہ مایوسی کے عالم میں ہاتھوں پر ہاتھ دھرے بیٹھی نظر آرہی ہے۔ انہوں نے یاد دلایا کہ حکمرانوں نے سالوں میں نہیں بلکہ بجلی کی لوڈشیڈنگ مہینوں میں حل کرنیکا وعدہ کیا تھا لیکن اب مسئلے کو حل کرنیکی بجائے صرف بیانات سے کام چلانے کی ناکام کوششیں کر رہے ہیں۔انہوں نے لوگوں کو پیشگی وارننگ دیتے ہوئے کہا کہ اس موسم گرما میں اس قدر لوڈشیڈنگ ہو گی جسکا انہوں نے پہلے کبھی تجربہ نہیں کیا ہو گا۔ انہوں نے کہا کہ لوگوں کے صبر کا پیمانہ لبریز ہو جائے گا اور لوگ سراپا احتجاج ہونگے جن کو روکنا اِس حکومت کے بس کی بات نہیں ہو گی۔انہوں نے کہا کہ پیپلز پارٹی کی پچھلی حکومت نے اپنے دور میں 3400 میگا واٹ بجلی نیشنل گرڈ میں شامل کرنے کے علاوہ اور بڑے بڑے منصوبے شروع کر رکھے تھے۔ انہوں نے مزید کہا کہ افسوس کہ ُاس وقت سے اُن منصوبوں پر کوئی پیشرفت نظر نہیں آرہی۔ انہوں نے کہا کہ یہ موجودہ حکمران 2017 میں بجلی کی لوڈشیڈنگ ختم کرنے کی جو بات کر رہے ہیں وہ صحیح معلوم نہیں ہوتی۔مزید مقامی خبریں
-
آزاد کشمیر میں اووسیز کی سہولیات کے لئے علیحدہ ڈیسک تشکیل دیا جائے گا
-
سرکاری دفاتر میں معلومات تک رسائی کے قانون کو پوری طرح نافذ کریں گے یہ بنیادی انسانی حقوق کے قوانین میں سے اہم قانون ہے اور اسپر عمل درآمد سے ہی معاشرے کو پر امن اور ترقی یافتہ بنایا جا سکتا ہے، ڈی ..
-
ڈی سی جہلم سیدہ رملہ علی کا سول ہسپتال کا دورہ ، مریضوں کی عیادت ، طبی سہولیات کا مشاہدہ
-
صدر شیعہ علماء کونسل پنجاب سید سبطین حیدر سبزواری کی رہنما ق لیگ خواجہ رمیض حسن کی والدہ اور ماموں خواجہ منیر حسین کی وفات پر منڈی بہاوالدین آمد
-
ضلع جہلم میں جرائم کے خاتمے کے ساتھ ساتھ ٹریفک کے ماحول کو بہتر بنانا میری ذمہ داری ہے جس میں تاجراپنا کردار ادا کریں ، ڈسٹرکٹ پولیس آفیسر ناصر محمود باجوہ۔
-
تاجروں اور انتظامیہ کا چولی دامن کا ساتھ ہے جبکہ ضلع کے مسائل کی نشاندھی اور حل کے لیے مشاورت سے معاملات حل کیے جا سکتے ہیں، ڈپٹی کمشنر جہلم
-
صدر جہلم چیمبر آف کامرس اینڈ انڈسٹری کی ڈپٹی کمشنر جہلم سیدہ رملہ علی کو ان کی جہلم میں تعیناتی پر مبارک باد
-
یوتھ اسمبلی فار ہیومن رائٹس ضلع جہلم کے عہدے داران کی ڈپٹی کمشنر سیدہ رملہ علی سے ملاقات
-
جلال پور کندوال نہر سے نکالے جانیوالے (موہگوں ) نالوں کی رکاوٹ بننے والے غریب کسانوں کے مکانات کو ہرگز نہ گرایا جاۓ۔ اسسٹنٹ کمشنر پنڈدادنخان
-
عالمی فائر فائٹرز ڈے پر ہم اپنے فائر فائٹرز کو خراج تحسین پیش کرتے ہیں جو لوگوں کے جان و مال کے تحفظ کی خاطر اپنی جانوں کی پرواہ نہیں کرتے، ریسکیو 1122کے تمام سٹاف ہمارے ملک کااہم ترین اثاثہ ہیں ، ڈی ..
-
شہر کے اہم مسائل کو حل کرنے کے لیے تمام اقدامات عمل میں لائے جائیں گے شہریوں کے مسائل حل کرنے کے لیے ہمارے دروازے ہر وقت کھلے ہیں، ڈی سی جہلم
-
ضلع جہلم کی نو تعینات ڈپٹی کمشنر سیدہ رملہ علی کا ضلع کچہری کا دورہ، مخلتف دفاتر کی بلڈنگز کی حالت کا مشاہدہ ، عملہ کی زمہ داریوں بارے آگاہی حاصل کی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.