سینیٹ میں شو آف ہینڈ کے طریقہ انتخابات سے ہارس ٹریڈنگ کا راستہ روکا جاسکتاتھا ،جماعت اسلامی سیاست میں روپے پیسے کے عمل کاخاتمہ اوربنیادی اصلاحات چاہتی ہے،سینیٹ انتخابات کی آڑ میں نئی محاذ آرائی کی بجائے تمام معاملات خوش اسلوبی سے طے کئے جائیں،
امیر جماعت اسلامی صوبہ پنجاب و پارلیمانی لیڈر صوبائی اسمبلی ڈاکٹر سید وسیم اختراور سیکرٹری جنرل نذیراحمد جنجوعہ کا بیان
پیر 2 مارچ 2015 20:08
لاہور ( اُردو پوائنٹ اخبارتازہ ترین - آئی این پی۔2مارچ۔2015ء ) امیر جماعت اسلامی صوبہ پنجاب و پارلیمانی لیڈر صوبائی اسمبلی ڈاکٹر سید وسیم اختراور سیکرٹری جنرل نذیراحمد جنجوعہ نے کہا ہے کہ ہارس ٹریڈنگ کے خلاف ترمیم میں رکاوٹ ڈالنے سے یہ بات اب ثابت ہوگئی ہے کہ مختلف مقتدرجماعتیں ملک میں حقیقی جمہوریت نہیں چاہتیں۔انہوں نے کہاکہ سینیٹ میں شو آف ہینڈ کے طریقہ انتخابات سے ہارس ٹریڈنگ کا راستہ روکا جاسکتاتھا لیکن تعجب کی بات ہے کہ حکومت آخر کیوں شوآف ہینڈکے طریقے پر عمل کرنے سے ہچکچارہی ہے۔
پیر کو اپنے بیان میں انہوں نے کہاکہ ایک طرف سینیٹ انتخابات کاشیڈول جاری کردیا گیا تو دوسری جانب ہارس ٹریڈنگ کے خلاف آئینی ترمیم کروانے کی تیاریاں کی جارہی تھیں۔(جاری ہے)
ہارس ٹریڈنگ کوروکنے کے لئے حکومت اگر سنجیدہ تھی تویہ کام تین چارماہ قبل ہوناچاہئے تھا۔الیکشن سے چند دن پہلے سارے عمل کو مشکوک بنادیا گیا ہے۔حکومت اپنے ارکان کے ووٹ اِدھراُدھر ہونے کے خوف سے خفیہ کی بجائے اوپن ووٹنگ کی حامی ہے۔
جماعت اسلامی چاہتی ہے کہ ملکی سیاست میں روپے پیسے کاعمل دخل کے خاتمے کے لئے بنیادی اصلاحات کی جائیں۔انہوں نے کہاکہ پاکستان اس وقت مختلف قسم کے شدید بحرانوں کاشکار ہے۔عوام الناس کے ساتھ ریلیف کے نام پر مذاق کیاجارہا ہے۔صرف چند نشستوں کی خاطر ایک دوسرے کے ارکان کودولت کے زعم پر خریدنے والے رہنماملک وقوم کی کیاخاک خدمت کرسکتے ہیں۔پاکستان کے موجودہ سیاسی حالات کسی نئی سیاسی محاذ آرائی کے متحمل نہیں ہوسکتے۔ضرورت اس امر کی ہے کہ سینیٹ کے انتخابات کی آڑ میں نئی محاذ آرائی کوچھیڑنے کی بجائے تمام معاملات خوش اسلوبی سے طے کئے جائیں۔جماعت اسلامی پنجاب کے رہنماؤں نے کہاکہ سینیٹ انتخابات میں اربوں روپے کے لین دین اوربولیوں نے ثابت کردیا ہے کہ سیاست میں صرف جاگیردار،وڈیرے اور سرمایہ دار ہی آسکتے ہیں۔ملک وقوم اس وقت تک ترقی نہیں کرسکتے جب تک حقیقی معنوں میں بے داغ اور محب وطن قیادت میسر نہیں آجاتی۔او پر سے لے کر نیچے تک کرپشن کابازار گرم ہے۔ٹرانسپرنسی انٹرنیشنل کی رپورٹ کے مطابق پاکستان کرپٹ ممالک کی فہرست میں126ویں نمبرپر ہے جوکہ حکمرانوں کی کارکردگی پر بڑاسولیہ نشان ہے۔متعلقہ عنوان :
مزید اہم خبریں
-
وزیراعظم شہباز شریف کا 28 اپریل کو دورہ سعودی عرب متوقع
-
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
-
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
-
عوام نے نفرت اور تقسیم کا بیانیہ مسترد کر دیاہے ،خارجہ پالیسی کے خلاف باتیں کرنے والے ماضی کا قصہ بن چکے ہیں،وزیراطلاعات
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.