پنجاب حکومت نے مشکوک افراد کی نگرانی کیلئے 5 ہزار چپس خرید لیں

جمعہ 27 فروری 2015 13:15

لاہور(اُردو پوائنٹ اخبار تازہ ترین۔27فروری 2015ء) فورتھ شیڈول میں شامل افراد اب قانون کی نظروں سے اوجھل نہیں ہو سکیں گے ، پنجاب حکومت نے پانچ ہزار چِپس خرید لیں ، پہلے مرحلے میں سات سو افراد کے پاؤں میں لگائی جائیں گی۔ پنجاب حکومت کے امن و امان کے قیام کے لیے جدید ترین اقدامات کر رہی ہے ۔ فورتھ شیڈول میں شامل افراد کو قانون کی نظروں میں رکھنے لیے جدید ترین طریقہ اختیار کرنے کا فیصلہ کیا گیا ہے ۔

(جاری ہے)

ہالی وڈ کی فلموں میں بھی اکثر دکھایا جاتا ہے کہ مخصوص افراد کی کڑی نگرانی کے لیے انہیں چِپس لگا دی جاتی ہیں جس کے بعد ان کی ہر نقل و حرکت قانون نافذ کرنے والے اداروں کی نظر میں رہتی ہے ۔ پنجاب حکومت نے فورتھ شیڈول میں شامل افراد کی مانیٹرنگ کے لیے 5 ہزار چِپس خرید لیں ۔ ان افراد کو ہر لمحہ قانون کی نگاہوں میں رکھنے لیے چِپس ان کے پاؤں میں لگائی جائیں گی ۔ پہلے مرحلے میں سات سو اور دوسرے مرحلے میں آٹھ سو افراد کے پاؤں میں چِپس لگائی جائیں گی ۔ ذرائع کے مطابق یہ چِپس تین مختلف ممالک سے منگوائی گئی ہیں جن میں امریکا ، ترکی اور سوئٹزرلینڈ شامل ہیں ۔ چِپ کی میعاد کم از کم ایک برس زیادہ سے زیادہ تین برس ہے۔

Facebook Twitter Google + Share on Whatsapp

پنجاب حکومت نے مشکوک افراد کی نگرانی کیلئے 5 ہزار چپس خرید لیں

متعلقہ عنوان :

مزید اہم خبریں