31دسمبر کے بعد بندوق اٹھا کر پہاڑوں پر نہیں جاوٴں گا بلکہ اپنے لوگوں کے درمیا ن رہ کر جد وجہد کرو ں گا ،بلوچ رابطہ اتفاق تحریک کے سربراہ پرنس آف قلات محی الدین بلوچ
جمعرات 26 فروری 2015 22:28
کراچی (اُردو پوائنٹ اخبار تازہ ترین۔26فروری 2015ء)بلوچ رابطہ اتفاق تحریک کے سربراہ پرنس آف قلات محی الدین بلوچ نے متنبہ کیا ہے کہ اگر 31دسمبر 2015ء تک بلوچ قوم کی امنگوں کے مطابق مسائل حل نہ کئے تو ہم اعلان جنگ کر دیں گے اور موقع پر حکمرانوں کے ہاتھوں سے نکل جائے گا قوم کی آواز کو سنا جائے اور بلوچوں کو ان کے حقوق دئے جائیں وہ جمعرات کو مقامی ہوٹل میں پریس کانفرنس سے خطاب کر ہے تھے اس موقع پر ان کے بھائی پرنس یحییٰ بلوچ و دیگر بھی موجود تھے پرنس محی الدین بلوچ نے کہا کہ اس وقت اسلام آباد اور لاہور کے حکمران سوئے ہوئے ہیں جن کو ہم جگانے کی کوشش کر رہے ہیں لوگوں نے اپنے حقوق کے لیے احتجاج کیا اورت دھرنے بھی دے رہے ہیں ان کی جانب توجہ نہیں دی گئی انہوں نے کہا کہ ایک جانب دعویٰ کیا جاتا ہے کہ بلوچستان پر کھربوں روپے خرچ کئے گئے لیکن بلوچستان کے عوام کو کچھ بھی نہیں ملا ہے حکمراں کمیشن کی عوض علاقوں کو فروخت کر رہے ہیں جس کی اجازت نہیں دی جاسکتی انہوں نے کہا کہ آج صورتحال یہ ہو چکی ہے کہ جس کے پاس لاہور کا سرٹیفکیٹ ہے اسے پاکستانی سمجھا جاتا ہے یہ رویہ ختم کر نا ہوگا ہم نے پاکستان کے ساتھ اس لیے الحاق کیا تھا کہ ہم نے سمجھاکہ پاکستان کی شکل میں بڑا اسلامی ملک بن رہا ہے انہوں نے کہا حکومت کہ تین دعویٰ دار ہیں ایک طرف کہا جاتا ہے کہ خاکی وردی والے سب کچھ ہیں دوسری طرف کالے کوٹ کا ذکر آتا ہے اور پھر بیوروکریسی کا نام لیا جاتا ہے لیکن جو بھی حکمران ہے وہ بلوچستان کے لوگوں کے حقوق دینے مین نا کام رہا ہے ایک سوال پر انہوں نے کہا کہ 31دسمبر کے بعد بندوق اٹھا کر پہاڑوں پر نہیں جاوٴں گا بلکہ اپنے لوگوں کے درمیا ن رہ کر جد وجہد کرو ں گا انہوں نے کہا کہ میں 20سالوں سے عوام سے رابطے میں ہوں اس دوران حکمرانون کی جانب سے کہا گیا کہ بلوچستان کو پیکج دیئے گئے تا ہم بلوچستان کے حالات میں کوئی تبدیلی نہیں آئی ہے انہوں نے کہا ہم محب وطن ہیں غدار نہیں ہیں ہمارے خلاف کوئی ثبوت ہے تو پیش کیا جائے بلوچستان کے لوگ ایک طاقت ہیں یہ ماننا پڑ ے گا ہم کو کمزور نہ سمجھا جائے ،یہ بات ممکن نہیں کہ ریل روڈ یا پائپ لائن کا آسرا دے کر ہم کو خاموش کر دیا جائے گا یہ بات یاد رکھنی چائیے کہ بلوچوں کو کوئی جنگ مین شکست نہیں دے سکتا ہے انہوں نے کہا کہ یہ کون سا انصاف ہے کہ بلوچستان میں لوگ بے یار و مدد گار پڑے ہیں اور پاکستان کے حکمران بیرون ملک محلات بنارہے ہیں ،انہوں نے کہا کہ بلوچستان میں جو تنظیمین کام کر رہی ہیں انہیں ختم نہیں کیا جا سکتا جب دیگر لوگوں سے بات چیت کی جا سکتی ہے تو بلوچوں سے مزاکرات کرنے میں کون سا آسمان ٹوٹ پڑے گا ،پرنس محی الدین بلوچ نے کہا کہ 1976سے 1999تک حالات پر سکون تھے اس کے بعد جو عوام پر فیصلے مسلط کرنے کی کوشش کی گئی اس کی سبب بلوچستان میں رد عمل سامنے آیا بلوچوں کے احساس محرومی کو ختم کئے بغیر وہاں امن قائم نہیں ہو سکے گا ۔
مزید اہم خبریں
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.