پشاور میں مدرسے کی چھت گرنے سے 5 طالب علم جاں بحق

منگل 3 فروری 2015 18:21

پشاور(اُردو پوائنٹ اخبارتازہ ترین۔3فروری۔2015ء) پشتخرہ روڈ پر مدرسے کی چھت گر گئی جس کے نتیجے میں5 بچے ملبے تلے دب کر جاں بحق ہوگئے جبکہ ریسکیو اہلکاروں نے 15 طالبعلموں کو نکال لیا جن میں 10 کی حالت تشویشناک ہے۔ پشتخرہ میں واقع گھر میں قائم مدرسے کی چھت اس وقت زمین پر آگری جب 30 سے 40 کے قریب بچے دینی تعلیم حاصل کررہے تھے۔

(جاری ہے)

متاثرہ گھر کے وسط میں ایک کنواں نما گٹر بھی تھا جس پر سلیپ رکھ کر ان پر چارپائیاں بچھا کر بچوں کو تعلیم دی جارہی تھی۔

چھت گرنے کے باعث کنویں پر رکھیں سلیپیں ٹوٹ گئیں اور متعدد بچے کنویں میں جاگرے۔ واقعے کے فوری بعد امدادی ٹیمیں موقع پر پہنچ گئیں اور ریسکیو آپریشن کے دوران ملبے تلے دبے 5 زخمی بچوں کو نکال لیا۔ابتدائی اطلاعات کے مطابق کنویں سے 10 بچوں کو تشویشناک حالت میں نکال لیا گیا ہے اور مزید بچوں کی کنویں میں موجودگی کی اطلاعات ہیں۔

Facebook Twitter Google + Share on Whatsapp

پشاور میں مدرسے کی چھت گرنے سے 5 طالب علم جاں بحق

متعلقہ عنوان :

مزید اہم خبریں