آئی جی جیل خانہ جات کی یقین دہانی،سندھ ہائی کورٹ نے دہشت گردوں کو کراچی سینٹرل جیل میں پھانسی دینے سے متعلق درخواست نمٹادی
جمعہ 30 جنوری 2015 16:31
کراچی (اُردو پوائنٹ تازہ ترین اخبار۔ 30 جنوری 2015ء) سندھ ہائی کورٹ نے آئی جی جیل خانہ جات کی یقین دہانی کے بعد دہشت گردوں کو کراچی سینٹرل جیل میں پھانسی دینے سے متعلق درخواست نمٹادی ۔کیس کی سماعت سندھ ہائی کورٹ کے جسٹس سجاد علی شاہ اور جسٹس صادق حسین بھٹی پر مشتمل دو رکنی بنچ نے کی ۔سماعت کے دوران آئی جی جیل خانہ اور دیگر جیل حکام نے عدالت کو بتایا کہ سکیورٹی خدشات کے باعث دہشت گردی کے دونوں مجرموں کو سکھر جیل سے کراچی جیل منتقل نہیں کیا جاسکا ۔
ملک میں امن و امان کی صورت حال انتہائی خراب ہے اس لیے وین پر مجرموں کو کراچی منتقل کرنے کا رسک نہیں لے سکتے ۔حکومت سے مجرموں کو سکھر سے کراچی منتقل کرنے کے لیے ہیلی کاپٹر فراہم کرنے کی درخواست کی ہے جیسے ہی ہیلی کاپٹر میسر ہوگا پھانسی دینے سے قبل مجرموں کو کراچی منتقل کردیا جائے گا ۔(جاری ہے)
درخواست گذارکالعدم تنظیم کے دہشت گرد عطاء اللہ اور محمد اعظم کے اہل خانہ کے وکیل مشتاق نے موقف اختیار کیا تھا کہ سندھ ہائی کورٹ نے مجرموں کو پھانسی دینے سے قبل سکھر سے کراچی منتقل کرنے کا حکم دیا تھا ۔
عدالتی احکامات کے باوجود مجرموں کو کراچی منتقل نہیں کیا گیا ۔جب تک ان کو کراچی منتقل نہیں کیا جاتا اس وقت تک پھانسی پر عملدرآمد سے روکا جائے ۔وکیل کا کہنا تھاکہ اگر مجرموں کو سکھر میں پھانسی دی جاتی ہے تو لاشوں کو کراچی منتقل کرنے میں مشکلات پیش آئیں گی ۔آئی جی جیل خانہ جات نصرت منگن نے بتایا کہ پھانسی دیئے جانے کے بعد لاشیں منتقل کرنا حکومت کی ذمہ داری ہے ۔اگر مجرموں کو اہل خانہ سکھر جا کر ان سے ملاقات کرنا چاہتے ہیں تو ان کو سرکاری خرچ پر سکھر بھجوایا جاسکتا ہے ۔دوران سماعت جسٹس سجاد علی شاہ نے ریمارکس دیئے کہ ملک میں امن وامان کی صورت حال انتہائی خراب ہے عدالت بھی مجرموں کو سکھر میں پھانسی دینا تجویز کرے گی ۔آئی جی جیل خانہ جات کی یقین دہانی کے بعد عدالت نے درخواست نمٹادی ۔مزید اہم خبریں
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.