صوبائی حکومت عوامی توقعات پر پورا اترنے میں مکمل ناکام ہو گئی ہے،مولانا لطف الرحمان
جمعہ 30 جنوری 2015 15:00
ڈیرہ اسماعیل خان(اُردو پوائنٹ تازہ ترین اخبار۔ 30 جنوری 2015ء)خیبر پختونخواہ میں اپوزیشن لیڈر مولانا لطف الرحمان نے کہا ہے کہ صوبائی حکومت عوامی توقعات پر پورا اترنے میں مکمل ناکام ہو گئی ہے، صوبے میں بد امنی عروج پر ہے، اور عوامی مسائل میں روز بروز اضافہ ہوتا جا رہا ہے ان خیالات کااظہار انہوں نے عمرہ کی ادائیگی سے واپسی کے بعد اپنی رہائش گاہ پر معززین علاقہ اور پارٹی کارکنوں کے وفود سے گفتگو کے دوران کیا، انہوں نے کہا کہ جنوبی اضلا ع کی ترقی کے ایک اہم منصوبے پاک چائینہ راہداری میں ڈیرہ اسما عیل خان، خیبر پختونخواہ کے جنوبی اضلاع اور بلوچستان کے اضلاع کو شامل نہ کرنا زیادتی ہے جس کو ہم کسی صورت میں برداشت نہیں کریں گے، انہوں نے کہا کہ صوبائی حکومت کو چاہیئے تھا کہ وہ اس اہم مسئلہ پر اپنا احتجاج بلند کرتی مگر صوبائی حکمرانوں کو عوام اور صوبے کی ترقی سے کوئی غرض ہی نہیں ہے، انہوں نے کہا کہ جمعیت علمائے اسلام دیگر اپوزیشن جماعتوں سے مل کر اس اہم مسئلہ کو نہ صرف صوبائی اسمبلی میں اٹھائے گی بلکہ مولانا فضل الرحمن نے چین کی حکومت سے بھی اس ضمن میں رابطہ کرنے کا فیصلہ کیا ہے کیو نکہ نئے مجوزہ روٹ سے نہ صرف ہمارے اضلاع کی ترقی میں رکاوٹ ڈالی جا رہی ہے بلکہ ایک سازش کے تحت روٹ کو ایک ہزار کلومیٹر لمبا کرکے پاک چائینہ تجارت کو بھی نقصان پہنچانے کی کوشش کی جا رہی ہے جس کو ناکام بنایا جائے گا، انہوں نے کہا کہ وفاقی حکومت کی جانب سے فنڈز کی فراہمی کی یقین دہانی کرائی جا چکی ہے جس سے ڈیرہ اسما عیل خان میں گیس کے منصوبوں کی توسیع کی جائے گی اور بجلی کی مد میں بھی سہولیات کی فراہمی کو یقینی بنایا جائے گا -
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.