دور دراز علاقوں کی ترقی حکومت کی اولین ترجیح ہے‘محب اللہ خان
جمعرات 29 جنوری 2015 20:28
پشاور (اُردو پوائنٹ تازہ ترین اخبار۔ 29 جنوری 2015ء) وزیر اعلیٰ خیبر پختونخوا کے معاون خصوصی برائے لائیو سٹاک ،کوآپریٹوا ور فشریز محب اللہ خان نے کہا کہ پی ٹی آئی کی حکومت نے حلقہ پی کے ۔83سوات کو ترقی دے کر اسے دیگر ترقیافتہ علاقوں کے برابر لانے کا پختہ عزم کر رکھا ہے اور اس مقصد کے حصول کیلئے کوئی بھی دقیقہ فروگزاشت نہیں کیا جائے گا۔ان خیالات کا اظہار انہوں نے معززین سوات کے ایک نمائندہ وفد سے اپنے دفتر پشاور میں ملاقات کے دوران کیا۔
وفد نے سوات میں عوام کو صحت ، تعلیم ،مواصلات اور صفائی جیسے درپیش مسائل و مشکلات سے آگاہ کیا۔معاون خصوصی نے کہا کہ صوبائی حکومت نے سوات میں پہلے ہی سے کئی ایک ایسے منصوبے شروع کر رکھے ہیں جن کی تکمیل سے عوام علاقے میں واضح اور نمایاں تبدیلی محسوس کریں گے۔(جاری ہے)
انہوں نے کہا کہ وہ اپنے حلقہ میں عوام کو درپیش مسائل سے آگاہ ہیں اور ان مسائل کے حل کیلئے اپنے ووٹ کی طاقت سے عوام نے ان پر جس اعتماد کا اظہار کیا ہے وہ کبھی بھی اس بھروسے کو ٹوٹنے نہیں دیں گے اور جلد ہی عوام جان لیں گے کے سوات میں ترقیاتی امور کس تیزی سے جاری ہیں۔
انہوں نے کہا کہ اب عوام کو ٹرخانے کی ماضی کی پالیسی ختم ہو چکی ہے اب عوام با شعور ہیں اور خالی خولی نعرے نہیں بلکہ عملی کام چاہتے ہیں جو ان کا حق ہے کیونکہ حکومت ان ہی کے مینڈیٹ سے قائم ہوتی ہے اور سرکاری خزانہ میں موجود پیسہ بھی ان ہی کے خون پسینے کی کمائی ہوتی ہے جسے ان کی فلاح و بہبود پر خرچ کیا جانا چاہئیے۔انہوں نے کہا کہ پی ٹی آئی کی حکومت نے سرکاری خزانے کے شفاف استعمال اور منصوبوں میں اعلیٰ معیار کی برقراری کو یقینی بنایا ہے ۔محب اللہ خان نے کہا کہ عوام تمام جاری منصوبوں کی خود نگرانی کریں اور کہیں پر بھی کام میں غیر معیاری یا سست روی پائیں تو اس کی فوری اطلاع انہیں کریں تاکہ غفلت اور بد عنوانی کے مرتکب افراد کے خلاف قانونی کاروائی عمل میں لا کر آئند ہ کیلئے ایسی نا خوشگوار کاروائیوں کا سدباب کیا جا سکے۔مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.