شیخ رشید کی قادری کو حکومت مخالف تحریک پھر شروع کرنے کی دعوت
جمعرات 29 جنوری 2015 16:51
لاہور (اُردو پوائنٹ اخبار تازہ ترین۔29جنوری2015ء) عوامی مسلم لیگ کے سربراہ شیخ رشید نے مدینہ منورہ میں عوامی تحریک کے قائد ڈاکٹر طاہرالقادری سے ملاقات کرکے انہیں دعوت دی ہے کہ وہ مارچ میں سینیٹ کے الیکشن سے پہلے وطن آجائیں تاہم پھر حکومت پر دباﺅ بڑھانے کیلئے تحریک انصاف اور اتحادی جماعتوں کے ساتھ مل کر تحریک کا آغاز کریں۔ مقامی اخبار نئی بات کے مطابق شیخ رشید چاہتے ہیں کہ سینیٹ کے الیکشن سے قبل حکومت کے خلاف فیصلہ کن تحریک کا آغاز کیا جائے اور اس کیلئے وہ ایک بار پھر عمران خان اور طاہرالقادری کے درمیان پل کا کردار ادا کررہے ہیں۔
عوامی تحریک اور تحریک انصاف کو 14 اگست کو ایک ہی دن لاہور سے دھرنے کے لئے اسلام آباد روانہ ہونے کے لئے بھی شیخ رشید نے کردار ادا کیا تھا۔(جاری ہے)
شیخ رشید پھر حکومت کے خلاف تحریک شروع کرنے کے لئے مختلف جماعتوں کو متحرک کررہے ہیں اور اسی سلسلے میں انہوں نے طاہرالقادری سے ملاقات کی۔ ڈاکٹر طاہرالقادری کی صحت ابھی ایسی نہیں ہے کہ وہ وطن واپس آکر حکومت کے خلاف تحریک کی قیادت کرسکیں وہ مدینہ منورہ سے واپس علاج کے لئے امریکہ جائیں گے جب ڈاکٹر ان کو کلین چٹ دیں گے تو وہ وطن واپس آنے میں ایک لمحے کی دیر نہیں کریں گے۔
طاہرالقادری نے اپنی واپسی سے قبل پارٹی کی تنظیم سازی، رکنیت سازی اور کارکنوں کو متحریک کرنے کے لئے ورکرز کنونشن منعقد کرنے کی ہدایت کی ہے اور پہلا کنونشن آج ڈی جی خان میں ہوگا۔ طاہرالقادری نے شیخ رشید سے کہا کہ حکومت کے ظلم کے خلاف تمام جماعتیں متحد ہیں تاہم ابھی کچھ جماعتیں خوش فہمی میں مبتلا ہیں ان کی خوش فہمی دور ہو لینے دیں اور جب تحریک اور اتحاد کے مرحلے کا وقت آئے گا تو اسے خوش اسلوبی سے طے کرلیں گے فی الحال دہشت گردی کے خلاف متحد ہوکر جدوجہد کرنے کی ضرورت ہے۔ دونوں رہنماﺅں میں اس بات پر اتفاق ہوا کہ ملاقاتوں کا سلسلہ جاری رکھا جائے گا اور مناسب وقت پر حکومت کے خلاف ایک بار پھر تحریک کا آغاز کیا جائے گا۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.