موبائل فون سمزکی انگوٹھوں سے تصدیق کیلئے کمپنیوں کی طرف سے فرنچائز اور ڈیلزز کو فراہم کیا گیا بائیو میٹرک سسٹم ناکارہ نکلا
جمعرات 29 جنوری 2015 12:33
اسلام آباد (اُردو پوائنٹ تازہ ترین اخبار۔ 29 جنوری 2015ء) موبائل فون سمزکی انگوٹھوں سے تصدیق کیلئے کمپنیوں کی طرف سے فرنچائز اور ڈیلزز کو فراہم کیا گیا بائیو میٹرک سسٹم ناکارہ نکلا، سم نام پر ہونے کے باوجودموبائل فون کمپنیوں کا بائیو میٹرک سسٹم صارفین کا نادرا ریکارڈتلاش کرنے میں ناکام، نئے کمپیوٹرائزڈ شناختی کارڈ ز کی موجودگی کے باوجود دوبارہ CNIC بنانے کے احکامات، حکومت پاکستان کی طرف سے سمز بلاک ہونے کے میسجز اور ڈیڈ لائن ملنے پر عوام پریشان، ملک بھر میں نادرا دفاتر میں انگوٹھوں کی تصدیق کیلئے نئے شناختی کارڈز کے حصول کیلئے رش پڑ گیا، نادرا حکام نے موبائل فون کمپنیوں کی بائیو میٹرک مشینوں کو تھرڈ کلاس قرار دیدیا، تفصیلات کے مطابق دہشتگردی پر قابو پانے کے حوالہ سے حکومتی اقدامات کے تحت تمام موبائل فون صارفین کو اپنی سم کی تصدیق کیلئے متعلقہ نیٹ ورک کے دفاتر سے انگوٹھوں کی تصدیق لازمی قرار دی گئی ہے جس پر ملک بھر میں تمام موبائل فون کمپنیوں کے دفاتر، فرنچائزز اور ڈیلرز کے پاس لمبی لائنیں لگ گئی ہیں.
تاہم صارفین کو اس وقت سخت اذیت کا سامنا کرنا پڑتا ہے جب فرنچائز اور ڈیلرز حکام کی طرف سے صارف کو یہ بتایا جاتا ہے کہ اس کے انگوٹھے کی تصدیق نادرا سے نہیں ہو رہی لہٰذا شناختی کارڈ دوبارہ بنوائیں ، اٹک کے معروف صحافی نثار علی خان کو موبائل صارفین نے بتایا کہ ہم نے حال ہی میں نئے CNICحاصل کئے ہیں مگر ڈیلرز اور فرنچائز کو فراہم کیا گیا سسٹم ہماری تصدیق کرنے سے قاصر ہے انہوں نے وزیر اعظم ، وزیر داخلہ اور پی ٹی اے سے مطالبہ کیا کہ موبائل فون کمپنیوں کو جدید اور معیاری سسٹم کا پابند بنایا جائے، اس حوالہ سے خود سینئر صحافی نثار علی خان نے تجربہ کیا تو موبائل فون کمپنیز کے ہیڈ آفسز یا بڑے دفاتر سے ان افراد کی تصدیق ہو گئی جنہیں ڈیلرز یا فرنچائزز سے فیل کردیا گیا تھا، اس سلسلہ میں نادرا حکام سے جب پوچھا گیا تو ایک اعلیٰ افسر نے بتایا کہ موبائل فون کمپنیاں 1500روپے کی بازار سے ملنے والی غیر معیاری مشینوں سے صارفین کے انگوٹھوں کی تصدیق کرتے ہیں تو وہ ناکارہ مشینیں نادرا کے سسٹم تک رسائی حاصل نہیں کر سکتیں جس وجہ سے عوام کو شدید مشکلات کا سامنا ہے ، ایک سوال پر نادرا آفیسر کا کہنا تھا موبائل فون کمپنیز جان بوجھ کر تصدیق نہیں کرنا چاہتیں کہ وہ اس عمل کو نقصان قرار دیتی ہیں تاہم ہمارے دفاتر عوام کو سہولیات دینے کیلئے کھلے ہیں تاہم اس سے ان لوگوں کو مشکلات ہو رہی ہیں جن کے شناختی کارڈ گم یا ایکسپائر ہو گئے ہیں کیونکہ نادرا دفاتر میں رش بہت زیادہ ہے اور لوگوں کی جیب پر بھی بوجھ پڑ رہا ہے�
(جاری ہے)
�
متعلقہ عنوان :
مزید اہم خبریں
-
بھارتی انتخابات:پولنگ سات مراحل میں44دن جاری رہے گی‘ہرووٹرتک پہنچیں گے.چیف الیکشن کمشنر
-
بلند ترین شرح سود کے ساتھ کاروبار چلانا ممکن نہیں رہا‘شرح سود مہنگائی کم کرنے کے لیے بڑھائی گئی تھی.تاجر
-
ام المومنین حضرت خدیجة الکبریٰ ؓ کا یوم وصال 10رمضان المبارک بمطابق 21 مارچ کو عقیدت و احترام سے منایا جائے گا
-
نواز شریف آئندہ ماہ سعودی عرب جائیں گے،لندن بھی جانے کا فیصلہ
-
ویوو نے بہترین پوٹریٹ فوٹوگرافی اور دلکش ڈیزائن کا حامل V30 5G پاکستان میں متعارف کردیا
-
’مئی جون تک نئی سیاسی جماعت آجائے گی‘ شاہد خاقان عباسی کا اعلان
-
حسن اور حسین نواز کی بریت سے متعلق فیصلہ محفوظ
-
ہمارے شہداءکے قاتل افغانستان میں ہوں تو پھر کارروائی کا حق رکھتے ہیں،خواجہ آصف
-
کراچی سے فورسز پر حملوں میں ملوث دہشت گرد گرفتار
-
پاکستان میں ہونے والے حملے میں جانی نقصان پر افسوس ہے،ترجمان امریکی محکمہ خارجہ
-
بجلی 5روپے مہنگی کرنے کی درخواست نیپرا میں جمع
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.