کراچی ،گیارہ حساس یونین کو نسلوں میں انسداد پولیو مہم شروع

بدھ 28 جنوری 2015 20:16

کراچی (اُردو پوائنٹ تازہ ترین اخبار۔ 28 جنوری 2015ء) کراچی کی گیارہ حساس یونین کو نسلوں میں انسداد پولیو مہم شروع کر دی گئی ۔کمشنر کراچی شعیب احمد صدیقی کی زیر صدارت اجلاس میں جا ئزہ لیا گیااور فیصلہ کیا گیا کہ چار روزہ مہم میں ترجیحی بنیاد پر سیکورٹی کے انتظامات کئے جائیں گے۔اجلاس میں ای ڈی او صحت ڈاکڑ امداد اور متعلقہ ٹاؤن ہیلتھ افسران نے ہر یو نین کونسل کی کوریج سے متعلق کار کر دگی کی تفصیلات سے آگاہ کیا۔

اجلاس نے فیصلہ کیا کہ مہم چار روز جا ری رہے گی۔ ان چار روز کے دوران دو لاکھ 78 ہزار 421 بچوں کو پو لیو کے قطرے پلائے جائیں گے۔کمشنر کراچی کو پیش کی جانے والی جائزہ رپورٹ میں بتا یا گیا کہ پہلے روز کی کارکردگی اطمینان بخش رہی۔ اجلاس میں فیصلہ کیا گیا کہ انسداد پولیو مہم میں سیکورٹی کے انتظامات یقینی بنائے جائیں گے۔

(جاری ہے)

جہاں پولیس کی نفری کی کمی ہو گی وہاں اعلیٰ حکام کو اس کی اطلاع کی جائے گی اور اس بات کو یقینی بنا یا جا ئے گا کہ سیکورٹی کے انتظامات مو جو د ہوں۔

اجلاس میں فیصلہ کیا گیا کہ وزیر اعلی سندھ کی ہدایت پر شروع کی جانے والی اس مہم کو مو ثر بنانے کے لئے ہر ممکنہ اقدامات کئے جائیں گے اور پو لیو کے خاتمہ کے لئے تمام بچوں کے قطرے پلانے تک مہم جا ری رکھی جا ئے گی۔کمشنر نے تمام ڈپٹی کمشنرز کو ہدایت کی کہ وہ مہم کی کامیابی اور مقاصد کے حصول کیلئے تمام ممکنہ اقدامات کریں اور تمام رکا وٹیں دور کر یں۔کمشنر نے کہا کہ انسداد پو لیو مہم قومی ذمہ داری ہے اس کا مقصد بچوں کو پولیو سے بچانا اور ان کے مستقبل کو محفوظ بنا نا ہے۔اجلاس میں فیصلہ کیا گیا کہ متعلقہ ڈپٹی کمشنرز کمیونٹی کے تعاون کے حصول اور سیکورٹی کی فراہمی کو یقینی بنانے کے لئے تر جیحی اقدامات کریں گے۔

متعلقہ عنوان :