پی آئی اے کو اگلے سال 14 جہاز لیز پر مل جائیں گے،حکومت نے مختلف ممالک کی کمپنیوں سے بات چیت مکمل کرلی

بدھ 28 جنوری 2015 14:37

پی آئی اے کو اگلے سال 14 جہاز لیز پر مل جائیں گے،حکومت نے مختلف ممالک ..

فیصل آباد(اُردو پوائنٹ تازہ ترین اخبار۔ 28 جنوری 2015ء) چیئرمین سٹینڈنگ کمیٹی برائے کامرس و ممبر قومی اسمبلی میاں عبدالمنان نے کہا ہے کہ پی آئی اے کو اگلے سال 14 جہاز لیز پر مل جائیں گے اس سلسلے میں حکومت نے مختلف ممالک کی کمپنیوں سے بات چیت مکمل کرلی ہے‘ جہاز ملنے سے فیصل آباد کیلئے پی آئی اے کا پرانا شیڈول بحال ہوجائے گا جس کے تحت روزانہ دو پروازوں کے علاوہ ایک ہفتہ وار بین الاقوامی پرواز بھی بحال ہوجائے گی۔

انہوں نے سیلز ٹیکس ریفنڈ کیلئے تاجروں کو یقین دلایا کہ وہ آئندہ چند روز میں وزیراعظم سے بات کرکے ایف بی آر سے 102 ارب روپے کے ریفنڈ کی تاجروں کو ادائیگی کے سلسلے میں کام شروع کرادیں گے۔ انہوں نے کہا کہ اس فنڈ کی واپسی کے بعد نہ صرف برآمدات میں اضافہ ہوگا بلکہ پاکستان کی معیشت بھی مضبوط ہوگی۔

(جاری ہے)

یہ بات انہوں نے بدھ کے روز ”اُردو پوائنٹ تازہ ترین اخبار۔

28 جنوری 2015ء“ کو ایک خصوصی ملاقات میں بتائی۔ انہوں نے کہاکہ وزیراعظم بجلی‘ گیس اور پٹرول کی قلت کو دور کرنے کیلئے مسلسل متعلقہ وزارتوں کے علاوہ دنیا بھر کے مختلف ممالک سے رابطے میں ہیں اور انشاء اللہ جلداز جلد ملک سے بجلی‘ گیس اور پٹرول کا بحران ختم کرنے کی کوشش کی جائے گی۔ انہوں نے کہا کہ ملک سے بیروزگاری کے خاتمے کیلئے مختلف پراجیکٹس پر کام شروع کردیا گیا ہے جبکہ وزیراعظم کی ہدایت پر وزارت پانی و بجلی نے صنعتکاروں کو ان کی صنعتیں چلانے کیلئے گیس اور بجلی کی مسلسل سپلائی کا حکم دے دیا ہے جس سے برآمدات کیلئے کئے گئے معاہدوں کا ہدف پورا ہوجائے گا اور محنت کشوں کو روزگار بھی میسر آئے گا۔

متعلقہ عنوان :