رینجرزکا سی پی ایل سی کے چیف احمد چنائے کے گھر رینجرز کا چھاپہ

منگل 27 جنوری 2015 16:47

کراچی(اُردو پوائنٹ اخبار تازہ ترین۔27جنوری2015ء) سندھ رینجرز نے سی پی ایل سی چیف احمد چنائے کے گھر پر چھاپہ ماراہے جس کے بارے میں احمد چنائے نے گورنرسندھ کو آگاہ کردیاہے ۔تفصیلات کے مطابق رینجرز کی جانب سے اغواء برائے تاوان کیسز میں ان سے پوچھ گچھ بھی کی ہے اور گھر سے مغوی لاریب کا رشتہ دار اور پندرہ لاکھ روپے برآمد کرلیے گئے تاہم رینجرز ترجمان کی طرف سے باقاعدہ کو ئی موقف سامنے نہیں آسکا۔

(جاری ہے)

سی پی ایل سی چیف نے نجی ٹی وی چینل سے گفتگوکرتے ہوئے بتایاکہ منگل کی صبح ساڑھے پانچ بجے رینجرز اہلکاراُن کے گھر پرآئے تھے اورساتھ لے جانے کی بات کی لیکن حکام سے موبائل فون پر ہی بات کرواکر رینجرز اہلکار واپس چلے گئے اور دوپہر کو وہ خود گئے اور ڈی جی رینجرز سے بھی ملاقات کی تاہم اُنہوں نے گھر سے رقم کی برآمد گی کے بارے میں تردید کردی ۔ یادرہے کہ اس سے قبل سابق وزیرداخلہ ذوالفقار مرزا بھی سی پی ایل سی چیف کے بارے میں تحفظات کا اظہار کرچکے ہیں ۔

Facebook Twitter Google + Share on Whatsapp

رینجرزکا سی پی ایل سی کے چیف احمد چنائے کے گھر رینجرز کا چھاپہ

متعلقہ عنوان :

مزید اہم خبریں