پنجاب میں جعلی لائسنس رکھنے والوں سے اسلحہ کی واپسی کیلئے سندھ حکومت کی طرز پر خصوصی مہم چلائی جائیگی
اسلحہ لائسنس کی کمپیوٹر ائزیشن کا کل سے آغاز ہوگا ،پہلے مرحلے میں 2009ء سے 2014 کے دوران جاری کردہ اسلحہ لائسنس کمپیوٹر ائزڈ کئے جائینگے
اتوار 25 جنوری 2015 14:32
لاہور( اُردو پوائنٹ اخبارتاز ترین ۔ 25جنوری 2015ء) پنجاب حکومت نادرا کے ذریعے اسلحہ لائسنس کی جانچ پڑتال کا مرحلہ مکمل ہونے کے بعد جعلی لائسنس رکھنے والوں سے سندھ حکومت کی طرز پر اسلحہ کی واپسی کیلئے خصوصی مہم چلائے گی ،نادرا کے اشتراک سے پنجاب میں اسلحہ لائسنس کی کمپیوٹر ائزیشن کا کل ( پیر ) سے آغاز ہوگا ،پہلے مرحلے میں 2009ء سے 2014ء کے دوران جاری کردہ اسلحہ لائسنس کمپیوٹر ائزڈ کئے جائیں گے جبکہ اسلحہ لائسنس کمپیوٹر ائزڈ نہ کرانے کی صورت میں 28فروری 2015ء سے منسوخ کر دئیے جائیں گے۔
تفصیلات کے مطابق پنجاب میں جاری ہونے والے اسلحہ لائسنس کو کمپیوٹر ائزڈ کرنے کے مرحلے کا آغاز آج پیر سے ہو جائے گا جسکے لئیپرانا اسلحہ لائسنس رکھنے والے افراد کو کمپیوٹر ائزڈ اسلحہ لائسنس کے حصول کے لئے قریبی نادرا سنٹر یا متعلقہ ڈویژن میں قائم سہولت سنٹر میں جانا ہوگا ۔(جاری ہے)
نیاکمپیوٹر ائزڈ اسلحہ لائسنس حاصل کرنے کے لئے 1400روپے بطور فیس ”اومنی “ دکان میں جمع کرانا ہو گی جسکے بعد فیس کی اصل رسید ‘ اپنا کمپیوٹر ائزڈ قومی شناختی کارڈ اور موجودہ اسلحہ لائسنس کے ہمراہ قریبی نادرا سنٹر یا متعلقہ ڈویژن میں جانا ہوگا۔
پنجاب حکومت نے اس سلسلہ میں پہلے مرحلے میں نو اضلاع میں سہولت مراکز قائم کر دئیے ہیں جن میں لاہور‘ گوجرانوالہ‘ فیصل آباد‘ سرگودھا‘ ساہیوال‘ ملتان‘ ڈی جی خان ‘ بہاولپور اور راولپنڈی شامل ہیں۔ ذرائع کے مطابق پہلے سے جاری ہونے والے اسلحہ لائسنس کی نادرا کے ذریعے جانچ پڑتال میں درستگی ثابت نہ ہونے پر اسلحہ واپس لینے کے لئے خصوصی مہم چلائی جائے گی ۔جبکہ پہلے سے جاری اسلحہ لائسنس کمپیوٹر ائزڈ کرنے کا مرحلہ مکمل ہونے کے بعد نئے اسلحہ لائسنس پر سے پابندی ہٹا لی جائے گی ۔ نئی اسلحہ لائسنس پالیسی سے اسلحہ ڈیلرز اور مینوفیکچر ربھی آن لائن ہو جائیں گے ۔یاد رہے کہ صوبائی وزیر داخلہ کرنل (ر) شجاع خانزادہ نے پنجاب کے ایوان کو بتایا تھاکہ پنجاب میں 18لاکھ اسلحہ لائسنس جاری ہوئے جن میں سے پچاس فیصد جعلی ہیں۔مزید اہم خبریں
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
-
پاکستان میں سال 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
اینٹ کا جواب پتھر سے دیا جائیگا،دہشتگردوں سے مذاکرات نہیں ہونگے،اعظم نذیر تارڑ
-
رمضان شوگر مل ریفرنس کیس وزیراعظم شہبازشریف اور حمزہ شہبازکی حاضری سے معافی کی درخواست منظور
-
سپیکر پرلازم ہے کہ وہ آئین اور قانون کی پاسداری کریں،عمر ایوب
-
اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا
-
ایران پر اسرائیل کے حملے اور دھماکوں کے بعد پروازیں معطل
-
سٹاک مارکیٹ میں اضافہ غیر ملکی خریداروں کا بڑھتا ہوا رحجان ہے،محمد اورنگزیب
-
روس نے جرمن فاونڈیشن پر پابندی لگا دی
-
چین میں پاکستان کے سفیر کا دارالحکومت بیجنگ میں ہواوے کے نمائشی مرکز کا دورہ ، منصوبوں اور پاکستان کے ساتھ شراکت داری پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.