جماعة الدعوة رفاہی تنظیم ہے، پابندی نہیں لگا سکتے ، رانا تنویر حسین
حافظ سعید بارے بھارت نے آج تک کوئی ثبوت فراہم نہیں کئے، کشمیریوں کی جدوجہد کی ہم سب حمایت کرتے ہیں تو کیا ہم سب پر پابندی لگا دی جائے گی
اتوار 18 جنوری 2015 13:16
اسلام آباد(اُردو پوائنٹ اخبارتاز ترین۔ 18جنوری 2015ء) وفاقی وزیر دفاعی پیداوار رانا تنویر حسین نے کہاہے کہ جماعة الدعوة رفاحی جماعت ہے اس پر پابندی نہیں لگا سکتے ، حافظ سعید بارے بھارت نے آج تک کوئی ثبوت فراہم نہیں کئے، کشمیریوں کی جدوجہد کی ہم سب حمایت کرتے ہیں تو کیا ہم سب پر پابندی لگا دی جائے گی،بھارت سے تعلقات اچھے کرنے کی کوشش کی لیکن تجربہ بہت تلخ رہا،کنٹرول لائن پر فائرنگ سے ماحول خراب ہو رہا ہے،دہشت گرد تنظیموں کے خلاف کارروائی سانحہ پشاور کے بعد خود شروع کی ہے امریکہ کا کوئی دباؤ نہیں۔
بھارتی اخبار کو دیئے گئے ایک انٹرویو میں رانا تنویر حسین نے کہا کہ کشمیر ہماری شہ رگ ہے، بھارت سے بامعنی مذاکرات کے حامی ہیں لیکن سرحد پر ہونیوالی کشیدہ صورتحال مذاکراتی ماحول کیلئے سازگار نہیں۔(جاری ہے)
انہوں نے کہاکہ جماعة الدعوة ایک رفاحی جماعت ہے اس سلسلے میں کوئی ایسے ثبوت نہیں ملے جس سے کہا جائے کہ وہ دہشت گردی میں ملوث ہے۔ انہوں نے ایک اور سوال پر کہاکہ کالعدم تنظیموں پر کڑی نظر رکھے ہوئے ہیں،لشکر طیبہ پر پابندی لگائی ہے مگر جماعت الدعوہ سے صرف بھارت کو مسائل ہے امریکہ اور افغانستان کونہیں ۔
انہوں نے کہاکہ حکومت پاکستان پاس حافظ محمد سعید کے خلاف کوئی ثبوت نہیں جس پر ان پر پابندی لگائی جا سکے وفاقی وزیر کا مزید کہنا تھا کہ لشکر طیبہ اور جماعة الدعوة کے باہمی روابط بارے بھی کوئی ثبوت نہیں ہیں جہاں تک بات ان کے جلسوں یا ریلیوں سے خطابات کا ہے تو اس کا انہیں حق حاصل ہے۔ بھارتی اخبار کے سوال کے جواب میں وفاقی وزیر نے کہاکہ ہندوستان حافظ سعید پر پابندی کی بات ضرور کرتاہے مگر اس حوالے سے کوئی ٹھوس ثبوت فراہم نہیں کرتا جماعة الدعوة کا کوئی ملٹری ونگ نہیں ہے یہ صرف اسلامی تبلیغ اور تعلیمی سرگرمیوں میں مشغول ہے ۔ انہوں نے آزادی کشمیر کے حوالے سے جماعة الدعو ة کے موقف کی تائید کرتے ہوئے کہاکہ ہم کشمیر کو پاکستان کا حصہ اور شہ رگ تصور کرتے ہیں صرف اس بنا ء پر کہ وہ کشمیری آزادی کے حق میں ہیں پابندی لگائی جائے تو یہ ممکن نہیں کیوں اس طرح بھارت کی خواہش پر پھر ہر اس شخص کو پابند کرنا ہوگا جوآزادی کشمیر کی حمایت یا جدوجہد کرتاہے ۔ انہوں نے کالعدم تنظیموں کی نگرانی پر امریکی دباؤ کے سوال کو بھی مسترد کرتے ہوئے کہاکہ حکومت نے سانحہ پشاور کے بعد ازخودفیصلہ کیاہے کہ دہشت گردی کے خاتمے کیلئے تمام کالعدم گروپوں پر کڑی نظر رکھ کر کارروائی کی جائیگی کیونکہ پاکستان ایک عرصہ سے دہشت گردی کا شکار ہے ۔ انہوں نے بھارتی اخبار کے ایک اور سوال پر کہاکہ پاکستان بھارت کے ساتھ بہتر تعلقات کا ہمیشہ سے خواہاں رہاہے اور اس حوالے سے تلخ تجربات بھی کئے ہیں لیکن امن اسی وقت قائم ہوگا جب سرحدوں پر سکون ہوگا لیکن کنٹرول لائن پر ہونیوالی بھارتی بلا اشتعال فائرنگ مذاکرات کی راہ میں بڑی رکاوٹ ہے۔متعلقہ عنوان :
مزید اہم خبریں
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
نامزد ملزم کو کیسے اپنے ہی کیس میں خود جج بننے کی اجازت دی جا سکتی؟
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
نیلم جہلم پراجیکٹ نے پوری صلاحیت کے مطابق 969 میگاواٹ بجلی کی پیداوار دوبارہ شروع کردی
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
مرکزی رہنماء پیپلزپارٹی آصفہ بھٹو بلامقابلہ رکن قومی اسمبلی منتخب ہوگئیں
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.