جماعت اسلامی کا دہشت گردی کے خاتمے کیلئے حکومت کے ہر اقدام کا ساتھ دینے کا اعلان،
خارجہ اور داخلہ پالیسیوں پر نظر ثانی کی جائے، دہشت گردی میں ملوث دینی مدارس کے خلاف بھی کاروائی کی جائے ، ممبران قومی اسمبلی صاحبزادہ طارق اللہ،عائشہ سید کی خصوصی گفتگو
ہفتہ 3 جنوری 2015 23:40
اسلام آباد(اُردو پوائنٹ اخبارتاز ترین۔ 3جنوری2015ء) جماعت اسلامی نے دہشت گردی کے خاتمے کے لئے حکومت کے ہر اقدام کا ساتھ دینے کا اعلان کر دیا ،دہشت گردی کے خلاف پہلے سے موجود قوانین کو بھی موثر کیا جائے ،خارجہ اور داخلہ پالیسیوں پر نظر ثانی کی جائے دہشت گردی میں ملوث دینی مدارس کے خلاف بھی کاروائی کی جائے ، عوام کے دیگر مسائل کے حل کے لئے بھی اے پی سی بلائی جائے ان خیالات کا اظہار جماعت اسلامی کے ممبران قومی اسمبلی عائشہ سید اور صاحبزادہ طارق اللہ نے پارلیمنٹ ہاؤس کے باہر آن لائن سے خصوصی گفتگو کے دوران کیا اس موقع پر عائشہ سید نے کہا کہ پاکستان میں دہشت گردی کی بہت ساری وجوہات ہیں اس کو بھی دیکھنا ہوگاانہوں نے کہاکہ دہشت گردی کے خاتمے کیلئے پوری قوم متحد ہے تمام سیاسی جماعتوں نے اتفاق رائے سے دہشت گردی کے خاتمے کا عزم کیا ہے اور ہم بھی اس کے ساتھ ہیں انہوں نے کہاکہ ملک میں دہشت گردی کے خاتمے کیلئے قوانین پہلے سے موجود ہیں مگر اصل مسئلہ اس پر عمل کرنے کا ہے جب تک ہماری خارجہ اور داخلہ پالیسیوں کو تبدیل نہیں کیا جاتا اس وقت تک حالات ٹھیک ہونا مشکل ہے انہوں نے کہاکہ جماعت اسلامی ملک میں دہشت گردی کے خاتمے کیلئے ہراول دستے کا کردار ادا کرے گی صاحبزادہ طارق اللہ نے کہاکہ آئینی ترمیمی بل پر ہمارے تحفظات تھے جسے دور کر لیاگیا ہے ہم بلا تفریق دہشت گردی کا خاتمہ چاہتے ہیں اگر کوئی بھی دینی مدرسہ یا مسجد دہشت گردی میں ملوث ہو تو اس کے خلاف بھی کاروائی ہونی چاہیے مگر اس بات کو ضرور مد نظر رکھنا چاہئیے کہ اس قانون کو زاتی پسند و ناپسند کے لئے استعمال نہ کیا جائے انہوں نے کہا کہ قوانین تو پہلے بھی موجود تھے مگر اصل مسئلہ اس پر عمل کا تھا اگر حکومت نیک نیتی سے تمام مسائل کا حل تلاش کرنے کی کوشش کرے تو مسائل حل ہو سکتے ہیں انہوں نے کہاکہ حکومت کی جانب سے خصوصی عدالتوں کے قیام کا فیصلہ جن حالات میں کیا گیا ہے اس پر تمام سیاسی جماعتیں متحد و متفق ہیں
متعلقہ عنوان :
مزید اہم خبریں
-
عالمی عدالت کو امریکی اور اسرائیلی حکام کی دھمکیاں پریشان کن، ماہرین
-
امریکہ: غزہ میں جنگ بندی کا مطالبہ کرنے والے طلباء سے ناروا سلوک پر تشویش
-
ترسیلات زر کے حجم میں 28 فیصد اضافہ ہو گیا
-
عرس کی تقریبات میں بھگدڑ، اموات ہونے کی اطلاعات
-
عالمی مسائل سے نمٹنے میں کثیر فریقی کوششیں تیزکرنے کی ضرروت: گوتیرش
-
قوم پر مسلط لوگوں نے کسی حلقہ میں بھی 30 فیصد ووٹ نہیں لیے
-
پی ٹی اے اور ٹیلی کام کمپنیاں روزانہ 5 ہزار نان فائلرز کی سمز بند کرنے پر متفق
-
ٴمعاشی استحکام کے باوجود پاکستانی معیشت کو بڑے خطرات کا سامنا ہے
-
مذاکرات کی ابتدا حکومت کو کرنی ہے کیونکہ مذاکرات کی بال حکومتی کورٹ میں ہے
-
فوج اور سیاسی جماعتوں کے درمیان براہ راست مذاکرات کی آئین میں گنجائش نہیں
-
کتنی پنشن لینے والوں پر ٹیکس لگے گا؟ تفصیلات سامنے آ گئے
-
دیامر بھاشا ڈیم کی تعمیر میں تاخیر کا خدشہ پیدا ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.