ڈاکٹرخالدمحمودسومرو صرف جے یوآئی نہیں ملک کیلئے عظیم سرمایہ تھے،حافظ خلیل الرحمن

سوراب(اُردو پوائنٹ اخبارتاز ترین۔ 30دسمبر 2014ء)ڈاکٹرخالدمحمودسومرو صرف جے یوآئی کے لیئے نہیں بلکہ اس ملک کے لیئے ایک عظیم سرمایہ تھے ،جس کی شہادت سے پیداہونے والاخلاصدیوں تک پرنہیں ہوسکتا،حکومت چنداجرتی قاتلوں کی گرفتاری ظاہرکرکے جان چھڑاناچاہتی ہے لیکن ان پرواضح کرتے ہیں کہ اصل محرکات اورماسٹرمائنڈکوبے نقاب کرنے تک چین سے نہیں بیٹھیں گے ،ان خیالات کااظہار جمعیت طلباء اسلام گلشن اقبال ٹاؤن کراچی کے جنرل سیکریٹری حافظ خلیل الرحمن لہڑی نے بلوچستان سے تعلق رکھنے والے طلبہ کے ایک وفدسے گفتگوکرتے ہوئے کیا،انہوں نے کہاکہ بدقسمتی سے امن دوشمن قوتوں نے عرصہ درازسے اپنے مغربی آقاؤں کے اشاروں پر وطن عزیزکوعلماء اورطلباء کے لیئے مقتل بنایاگیاہے ،ہردن کسی نہتے عالم دین یادینی مدرسہ کے معصوم طالب علم کامقدس خون بہایاجاتاہے ،لیکن افسوس اب تک نام نہادسول سوسائٹی سمیت میڈیاکواس ظلم پرلب کشائی اورتوجہ دینے کی زحمت نہیں ہوئی ،سانحہ پشاورہرحوالے سے قابل مذمت اوردردناک واقعہ ہے ،جس میں معصوم نونہالوں کوخون میں نہلایاگیا،یہ سب کچھ اسلام کوبدنام کرنے کاایک ڈرامہ ہے جس میں یہودونصارٰی کے ایجنٹ ملوث ہیں،معصوم بچوں کے قاتلوں کااسلام سے دورکابھی واسطہ نہیں انہیں عبرتناک سزاملنی چاہیئے لیکن یہی انجام ہراس قاتل کابھی ہوناچاہئے جس کے ہاتھ بے گناہ علماء کرام اوردینی مدارس کے معصوم طلباء کے خون سے رنگے ہوئے ہیں ،ڈاکٹرخالدمحمودسومروشہیدکاعظیم مشن ہرصورت جاری رہے گا،اصل قاتلوں کی گرفتاری اورانہیں تختہ دارپرلٹکاناحکومت کی زمہ داری ہے ،اس کے بغیرجے یوائی اورجے ٹی آئی کے کارکن کسی طفل تسلی سے مطمعن نہیں ہوسکتے ۔