وزیراعلی کی ہدایت کی روشنی میں ملٹری فارمز کے مزارعین کے مسائل ترجیحی بنیادوں پر حل کئے جائیں‘ ملک ندیم کامران
منگل 30 دسمبر 2014 16:14
لاہور ( اُردو پوائنٹ اخبارتاز ترین۔ 30دسمبر 2014ء) صوبائی وزیر زکوة و عشر ملک ندیم کامران نے کمشنرز صاحبان کو ملٹری فارمز کے مزارعین کو درپیش مسائل میں انتہائی سنجیدگی سے کام لینے اور ایک ہفتہ کے اندر تفصیلی رپورٹ پیش کرنے کی ہدایت کی ہے،وزیراعلی پنجاب محمد شہباز شریف اس مسئلہ کے مستقل بنیادوں پر حل کے لئے خصوصی دلچسپی لے رہے ہیں، مقررہ مدت میں سروے رپورٹ پیش نہ کرنے والے اور مسائل کے حل میں رکاوٹ بننے والے افسران کے خلاف بلا امتیاز سخت کارروائی عمل میں لائی جائے گی۔
انہوں نے یہ بات بورڈ آف ریونیو کے کمیٹی روم میں صوبہ کے مختلف فارموں کے مزارعین کے مسائل کے حل کے لئے بلائے گئے ایک خصوصی اجلاس کی صدارت کرتے ہوئے کہی اس موقع پر سینئر ممبر بورڈ آف ریونیو ندیم اشرف، ممبر کالونیز، کمشنر ساہیوال ڈویژن و ملتان ڈویژن ، ڈی پی اوساہیوال ، ملتان اور اوکاڑہ کے علاوہ دیگر متعلقہ افسران بھی موجودتھے۔(جاری ہے)
صوبائی وزیر نے سینئر ممبر بورڈ آف ریونیو ندیم اشرف کو ہدایت کی کہ وہ تفصیلی سروے رپورٹس کے لئے آج ہی کمشنر صاحبان کو چھٹی ارسال کریں تاکہ آمدہ رپورٹ کی روشنی میں مربوط حکمت عملی طے کرکے فیصلہ کیا جاسکے۔
انہوں نے کہا کہ حکومت کسی بھی صورت زمین کے اصل حقداروں کو ان کے حق سے محروم نہیں کرے گی۔ملک ندیم کامران نے کہا کہ کمشنر صاحبان کے ساتھ ساتھ پاک فوج، سیڈ کارپوریشن ، محکمہ زراعت اور لائیوسٹاک کے اعلی افسران کو بھی مراسلے بھیجے جائیں اور ان فارموں کے سلسلہ میں ان کا موقف بھی معلوم کیا جاسکے۔انہوں نے ان محکموں اور اداروں سے قریبی رابطہ رکھنے کے لئے سیکرٹری کالونیز کو فوکل پرسن مقرر کرنے کے بھی احکامات جاری کئے۔انہوں نے کہا کہ مزارعین کے مسائل کے حل کے لئے ڈیٹا جمع کرکے تمام متعلقہ محکموں کی آراء اور موقف جاننے کے بعد اس مسئلے کو مستقل بنیادوں پر حل کیا جاسکے۔مزید قومی خبریں
-
صوابی ، گھریلو تنازعے پر بھائی نے بھا ئی کوقتل کردیا
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.