ای میل سروس ’’جی میل ‘‘کو چین میں بلاک کردیا

منگل 30 دسمبر 2014 15:24

بیجنگ(اُردو پوائنٹ اخبار تازہ ترین۔30دسمبر 2014ء) دنیا میں سب سے زیادہ استعمال ہونے والی ای میل سروس ’’جی میل‘‘ کو چین میں بلاک کردیا۔ دنیائے انٹرنیٹ پر حکمرانی کرنے والے سرچ انجن ’’گوگل‘‘ کی ای میل سروس ’’جی میل‘‘ کو چین میں بلاک کردیا گیا۔ چین میں اظہار رائے کی آزادی کے لیے سرگرم گروپ ’’گریٹ فائر‘‘ کے مطابق چین میں گزشتہ روز بڑی تعداد میں جی میل ویب ایڈریسز کو بلاک کیا گیا ہے۔

(جاری ہے)

غیر ملکی خبر ایجنسی کے مطابق چینی حکومت گوگل کو ملک سے بے دخل کرنے اور اس کی بیرون ملک مارکیٹ کو کمزور کرنے کی کوشش کررہی ہے جبکہ گوگل کمپنی نے اپنی سروسز ٹریفک کے حوالے سے ایک رپورٹ میں بتایا کہ چین میں جی میل کے ٹریفک میں نمایاں کمی آئی ہے ہم نے اس معاملے کی جانچ پڑتال کی تو معلوم ہوا کہ یہ ہماری غلطی کا نتیجہ نہیںدوسری جانب امریکا نے چین کے اس اقدام پر اپنی تشویش کا اظہار کرتے ہوئے کہا کہ ہم چاہتے ہیں کہ چین غیر ملکی کمپنیوں کے حوالے سے شفاف اقدامات اٹھائے۔

Facebook Twitter Google + Share on Whatsapp

ای میل سروس ’’جی میل ‘‘کو چین میں بلاک کردیا

متعلقہ عنوان :

مزید بین الاقوامی خبریں