کراچی، فلاح انسانیت فاؤنڈیشن نے آتشزدگی سے متاثرہ ٹمبرمارکیٹ میں دوسرے روز بھی امدادی سرگرمیاں جاری رکھیں
پیر 29 دسمبر 2014 20:24
کراچی(اُردو پوائنٹ اخبار تازہ ترین۔29دسمبر 2014ء) جماعة الدعوة کے رفاہی ادارے فلاح انسانیت فاؤنڈیشن نے آتش زدگی سے متاثرہ ٹمبرمارکیٹ میں دوسرے روز بھی امدادی سرگرمیاں جاری رکھیں۔ متاثرہ مکینوں اور دکانداروں کو تین وقت کا تیار کھانا اور منرل واٹر فراہم کرنے کے علاوہ طبی امدادکی فراہمی کا سلسلہ بھی جاری رہا۔ دوسرے روز بھی جماعة الدعوة کے 250 سے زائد رضاکار امدادی کاموں میں مصروف ہیں۔
ابتدائی ہنگامی امداد کے بعد متاثرین میں راشن اور ضروریات زندگی کی اشیاء کی تقسیم کے لیے سروے مکمل کر لیا گیا ہے۔ تفصیلات کے مطابق ٹمبرمارکیٹ میں لگائے گئے فلاح انسانیت فاونڈیشن کے میڈیکل کیمپ پر دوسرے روز بھی زخمی و متاثرہ افراد کو طبی امداد کے علاوہ مفت ادویات بھی فراہم کی گئی ہیں۔(جاری ہے)
جبکہ سانحہ کے مقام پر چار ایف آئی ایف ایمبولینسیں بھی امدادی سرگرمیوں میں حصہ لے رہی ہیں۔
ٹمبر مارکیٹ میں جماعة الدعوة کے کیمپ انچارج عبدالوحید بندھانی اور عبدالرحمان کاکہنا ہے کہ جماعة الدعوة کے رضاکار وں نے دوسرے روز بھی تین ہزار سے زائد افراد کو تین وقت کا تیار کھانا فراہم کیا ہے۔ جبکہ 250سے زائد رضاکار تجارتی و گھریلو سامان کو دوسری جگہ منتقل کرنے میں لوگوں کی مدد کر رہے ہیں۔ کیمپ انچارج کا کہنا ہے کہ آتش زدگی کے نتیجے میں بجلی گیس اور پانی کی فراہمی کا نظام درہم برہم ہو کر رہ گیا ہے۔متاثرہ مکینوں کو کھانے اور پانی کے حصول میں شدید مشکلات درپیش ہیں۔ جماعة الدعوة متاثرین ٹمبرمارکیٹ کی مشکلات کو مدنظر رکھتے ہوئے ترجیحی بنیادوں پر تیارکھانا فراہم کر رہی ہے۔ انہوں نے کہا کہ سامان کو نکالنے کی کوشش میں جماعة الدعوة کے کارکن بھی زخمی ہوئے ہیں۔ جبکہ آگ سے جھلس کر زخمی ہونے والے متاثرین کا بھی فلاح انسانیت فاونڈیشن کے کیمپ پر علاج معالجہ کیا جا رہا ہے۔ عبدالوحید بندھانی کا کہنا ہے کہ متاثرہ افراد کا سروے مکمل کر لیا گیا ہے۔ تیار کھانے کے علاوہ عنقریب خشک راشن اور دیگر ضروری اشیاء کی فراہمی کا سلسلہ بھی شروع کر دیا جائے گا۔ سانحہ ٹمبر مارکیٹ کے دوسرے روز جماعة الدعوة کے رہنماوں حافظ کلیم اللہ اور عثمان عسکری نے امدادی کاموں کا جائزہ لینے کے لیے جائے وقوعہ کا دورہ کیا۔اس موقع پر رہنماوں نے نقصانات کا جائزہ لینے کے علاوہ امدادی کاموں میں مصروف کارکنوں کو ہدایات بھی جاری کیں۔ امیر جماعة الدعوة ڈاکٹر مزمل اقبال ہاشمی کا کہنا ہے کہ سانحہ ٹمبر مارکیٹ پوری قومی کے لیے انتہائی دردناک حادثہ ہے۔ جماعة الدعوة متاثرہ افراد کے درد کو اپنا درد سمجھتی ہے۔ متاثرین کی ہنگامی بنیادوں پر امداد کے علاوہ انہیں ماہانہ خشک راشن بھی فراہم کیا جائے گا۔ انہوں نے اس عزم کا اظہار کیا کہ سانحہ ٹمبرمارکیٹ کی مکمل بحالی تک ہم اپنی امدادی سرگرمیاں جاری رکھیں گے۔مزید اہم خبریں
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.