لاہور چیمبر آف کامرس اینڈ انڈسٹری کا توانائی کے بحران پر گہری تشویش کا اظہار ،
حکومت بجلی و گیس سپلائی سسٹم کی خامیوں کو دور کرے ،ملک بھر میں یکساں سپلائی یقینی بنائے ‘ اعجاز اے ممتاز
پیر 29 دسمبر 2014 18:19
لاہور ( اُردو پوائنٹ اخبار تازہ ترین۔29دسمبر 2014ء ) توانائی کے بحران پر گہری تشویش کا اظہار کرتے ہوئے لاہور چیمبر آف کامرس اینڈ انڈسٹری نے حکومت پر زور دیا ہے کہ بجلی و گیس سپلائی سسٹم کی خامیوں کو دور کرے اور ملک بھر میں ان کی یکساں سپلائی یقینی بنائے تاکہ صنعتی پہیہ رواں دواں رہے۔ ایک بیان میں لاہور چیمبر کے صدر اعجاز اے ممتاز نے کہا کہ توانائی کے سنگین بحران کی وجہ سے بالخصوص صوبہ پنجاب میں صنعتی، تجارتی اور معاشی سرگرمیاں بْری طرح متاثر ہورہی ہیں اور صنعتی یونٹس اپنی پیداوار محدود کرنے پر مجبور ہوگئے ہیں۔
انہوں نے کہا کہ پنجاب صنعتی سرگرمیوں کا مرکز ہے ، یہاں کی صنعتوں کو گیس و بجلی نہ ملنے کی وجہ سے جی ڈی پی گروتھ متاثر ہونے کا خدشہ ہے۔جی ڈی پی میں سب سے زیادہ حصہ پنجاب کا ہے لہذا بجلی و گیس کی قلت کا زیادہ بوجھ اس پر ڈالنا نقصان دہ ثابت ہوگا۔(جاری ہے)
لاہور چیمبر آف کامرس اینڈ انڈسٹری کے صدر نے کہا کہ توانائی کے بحران پر قابو پانے کے لیے حکومت کو ہنگامی اقدامات اٹھانا ہونگے وگرنہ نتیجہ صنعتوں کی بندش، غربت اور بے روزگاری میں اضافے کی صورت میں برآمد ہوگا۔
اعجاز اے ممتاز نے کہا کہ نجی شعبہ ترقی کے لیے انجن کا کردار ادا کرتا ہے جس کے پیش نظر ترقی یافتہ ممالک میں اسے خصوصی مراعات دی جاتی ہیں لیکن پاکستان میں صورتحال اس کے برعکس ہے۔انہوں نے کہا کہ اگر مینوفیکچرنگ سیکٹر کو بجلی و گیس کی سپلائی یقینی نہ بنائی گئی تو برآمدی آرڈرز پورے نہیں کیے جاسکیں گے جس کا خمیازہ برآمدات میں کمی کی صورت میں بھگتنا پڑ سکتا ہے ، ملک اس کا ہرگز متحمل نہیں ہوسکتا کیونکہ عالمی منڈی میں پہلے ہی دوسرے ممالک غلبہ پارہے ہیں۔ اعجاز اے ممتازنے کہا کہ جمہوری نظام مستحکم کرنے کے لیے معاشی ترقی اور خوشحالی ناگزیر ہیں لہذا حکومت حالات کی نزاکت کو سمجھے اور توانائی کا بحران ہنگامی بنیادوں پر حل کرے تاکہ موجودہ صنعتوں کا پہیہ چلتا رہے، صنعت سازی میں اضافہ ہو، غیرملکی سرمایہ کاروں کو اچھا پیغام ملے اور معیشت مستحکم ہو۔مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.