کراچی کی تاریخی ٹمبر مارکیٹ کا خاکستر ہونا صوبائی حکومت اور اداروں کی نا اہلی کی بدترین مثال ہے۔ رہنما ء عوامی نیشنل پارٹی

پیر 29 دسمبر 2014 16:38

کراچی (اُردو پوائنٹ اخبارتاز ترین ۔ 29دسمبر 2014ء) عوامی نیشنل پارٹی کے رہنما ء و سابق صوبائی جنرل سیکرٹری سندھ بشیر جان نے کہا ہے کہ کراچی کی تاریخی ٹمبر مارکیٹ کا خاکستر ہونا صوبائی حکومت اور اداروں کی نا اہلی کی بدترین مثال ہے۔ کراچی دہشت گردی سے انتہائی متاثرہ کن شہر ہے جہاں سیکورٹی کے انتظامات قابل اطمینان نہیں ہیں۔ان خیالات کا اظہار انھوں نے پیر کو جاری اپنے بیان میں افسوس کا اظہار کرتے ہوئے کہا کہ ملک کو 70فیصد اورسندھ کو90فیصد ریونیو دینے والا کراچی شہر ، بنیادی سہولتوں کی عدم فراہمی کی وجہ عوام کے مسائل پر توجہ دینے کے بجائے اقتدار کی رسہ کشی میں مصروف عناصر ہیں۔

بلدیہ ٹاؤن کی فیکٹری اور جامعہ کلاتھ مارکیٹ، علی گڑھ مارکیٹ ، بنارس اورنگی مارکیٹ، چاؤلہ مارکیٹ ناظم آباد، بولٹن مارکیٹ سانحات کے اندوہناک واقعات سے کسی نے بھی سبق حاصل نہیں کیا اور تحقیقات سے صرف نظر کیا اور ابھی تک سوگوارن کو انصاف بھی نہیں ملا جبکہ ذمے داران سینکڑوں گھر وخاندانوں کو اجاڑنے کے باوجود آزاد پھر رہے ہیں ۔

(جاری ہے)

ٹمبر مارکیٹ کراچی کی قدیم تاریخی مارکیٹ ہی بلکہ کراچی کی ایک پہچان بھی تھی جو ملک کو کیثر زرمبادلہ دینے کا اہم ادارے کی حیثیت رکھتی تھی۔

سیاسی چپقلشوں کی وجہ سے آج سینکڑوں خاندان اپنی جمع پونچی سے محروم ہوگئے ہیں اور ان کا کوئی پرسان حال نہیں ہے۔بشیر جان نے حکومت سے مطالبہ کیا کہ فوری طور پر نقصانات کا ازالہ کرکے ٹمبر مارکیٹ کو محفوظ اور سابقہ حالت میں بحال کرایا جائے اور اس بات ک بھی تحقیق کرائی جائے کہ یہ کہیں بھتوں کے لئے علاقوں پر قبضے کی جنگ کانتیجہ تو نہیں۔

Facebook Twitter Google + Share on Whatsapp

کراچی کی تاریخی ٹمبر مارکیٹ کا خاکستر ہونا صوبائی حکومت اور اداروں کی نا اہلی کی بدترین مثال ہے۔ رہنما ء عوامی نیشنل پارٹی

متعلقہ عنوان :

مزید اہم خبریں