میٹروا بس اسٹیشنوں پر قائم ٹک شاپس پر معیاری اشیاء رکھی جائیں ‘ پارلیمانی سیکرٹری محمد نواز چوہان،
میٹروبس سے روزانہ ایک لاکھ 55 ہزار سے زائد مسافر آرام دہ سفری سہولت سے مستفید ہو رہے ہیں‘ گفتگو
ہفتہ 27 دسمبر 2014 21:03
لاہور(اُردو پوائنٹ اخبار تازہ ترین۔27دسمبر 2014ء)پارلیمانی سیکرٹری برائے ٹرانسپورٹ چوہدری محمد نواز چوہان نے میٹروبس اتھارٹی کے اعلی حکام کو میٹرو اسٹیشنوں اور بسوں میں صفائی پر خصوصی توجہ دینے اور اسے مزید بہتر بنانے کی ہدایت کی ہے ۔انہوں نے یہ بات ہفتہ کے روز میٹروبس کوریڈور کے معائنہ کے دوران کہی۔اس موقع پر ایڈیشنل سیکرٹری ٹرانسپورٹ بابر شفیع ، جنرل منیجر آپریشن محمد عزیر شاہ اور دیگر متعلقہ افسران بھی موجود تھے۔
پارلیمانی سیکرٹری نے اتفاق اسٹیشن سے سول سیکرٹریٹ اسٹیشن تک سفر کیا اور مسافروں سے اس سفری سہولت بارے استفسارکیا۔چوہدری محمد نواز چوہان نے اعلی حکام کو میٹروبس سے منسلک کمپنیوں اور فرموں کو مختلف مدات میں اب تک کئے جانے والے جرمانوں کی تفصیل پیش کرنے کی ہدایت کی ۔(جاری ہے)
انہوں نے میٹرو اسٹیشنوں پر قائم کردہ ٹک شاپس کو بھی چیک کیا اور خورد و نوش اشیاء کے مدت معیار بھی چیک کیں۔
انہوں نے میٹروبس حکام پر زور دیا کہ وہ روزانہ کی بنیاد پر ٹک شاپس پر موجود فوڈ آئٹمزکو چیک کریں ۔ انہوں نے میٹرواسٹیشنوں پر موجود آگ بجھانے والے آلات کو بھی چیک کیا ۔پارلیمانی سیکرٹری محمد نوازچوہان کو سفر کے دوران جی ایم آپریشن محمد عزیر شاہ نے بریفنگ دیتے ہوئے بتایا کہ میٹروبس پر روزانہ ایک لاکھ 55 ہزار مسافر سفر کرتے ہیں اور زیادہ رش کی صورت میں یہ تعداد ایک لاکھ 60 ہزار تک پہنچ جاتی ہے ۔پارلیمانی سیکرٹری نے سفر کے دوران مسافروں سے میٹروبس کے بارے دریافت کیا تو مرد و خواتین مسافروں نے اس سفری سہولت پر اپنے اطمینان کا اظہار کیا اور وزیر اعلی پنجاب محمد شہباز شریف کے اس منصوبے کو سراہتے ہوئے غریب دوست قرار دیا اور کہا کہ وہ روز نماز میں وزیر اعلی پنجاب کی طویل عمری اور صحتمندی کے لئے دعا کرتے ہیں ۔مزید اہم خبریں
-
ملکی ترقی میں نجی شعبے اور صنعت کا کردار انتہائی اہم ہے،وزیراعظم شہباز شریف
-
حکومت میں ہوتے ہوئے پی ٹی آئی سے بات کرنے کو تیار ہیں،رانا ثناءاللہ
-
وزیر منصوبہ بندی احسن اقبال کی چین کی نیشنل انرجی ایڈمنسٹریشن کے چیئرمین سے ملاقات
-
مریم نواز نے پنجاب کے طلبہ کیلئے لیپ ٹاپ سکیم کی منظوری دیدی
-
ٹیکس کی بنیاد وسیع کرنے کیلئے تاجر دوست سکیم کو کامیاب بنانے کیلئے پر عزم ہیں،محمد اورنگزیب
-
دھاندلی کی اسمبلیاں قبول نہیں ہیں،فیصلے ایوان نہیں میدان میں ہونگے،مولانافضل الرحمان
-
آئی ایم ایف نے ریٹائرڈ سرکاری ملازمین کی پنشن پر ٹیکس لگانے کانیا مطالبہ کر دیا
-
مشرقی یروشلم میں آتش زنی کے بعد امدادی ادارے ’انرا‘ کا دفتر بند
-
براعظم ہائے امریکہ میں ہجرت اور جبری نقل مکانی میں علاقائی تعاون اہم
-
یہ ہے 9 مئی کا اصل کمال
-
9 مئی کے نتیجے میں ن لیگ، پیپلز پارٹی کے درجنوں بیروزگاروں کا روزگار لگ گیا
-
9 مئی کو قوم نے سنجیدگی سے لیا ہوتا تو 8فروری کو لوگ پی ٹی آئی کو اکثریتی جماعت بنا کر اسمبلی میں نہ بھیجتے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.