تنظیم علمائے اہل سنت اچھرہ اور سنی اتحاد کو نسل سمن آبادٹاوٴن کے زیر اہتمام سانحہ پشاور کے شہداء اور پاک فو ج کے ساتھ اظہار یکجہتی کیلئے نکالی گئی،

لاہور(اُردو پوائنٹ اخبار تازہ ترین۔26دسمبر 2014ء ) تنظیم علمائے اہل سنت اچھرہ اور سنی اتحاد کو نسل سمن آبادٹاوٴن کے زیر اہتمام سانحہ پشاور کے شہداء اور پاک فو ج کے ساتھ اظہار یکجہتی کے لئے فیروز پو ر روڈ پر اچھرہ مو ڑ سے شمع سٹاپ تک ”طالبان مردہ باد ریلی “ نکالی گئی ۔ جس کی قیادت ڈاکٹر راغب حسین نعیمی ، مفتی مشتاق احمد نو ری ، مفتی محمد حسیب قادری ، ڈاکٹر مفتی محمد کریم خان ، مو لانا محمد علی نقشبندی ، علامہ عابد اچھروی ، جہانگیر خان ، سیٹھ اشفاق ، میاں طاہر یعقوب ، الیاس خان نے کی ۔

ریلی کے شرکاء ”طالبان کا جو یا ر ہے ، غدار ہے غدار ہے “ ۔ پاک فو ج زندہ باد ، جنرل راحیل شریف زندہ باد جیسے نعرے لگاتے رہے ۔ ریلی کے آخر میں جامعہ نعیمیہ لاہو ر کے پر نسپل ڈاکٹر راغب حسین نعیمی نے خطاب کرتے ہوئے کہا کہ طالبان کا طرز عمل اور فلسفہ جہاد گمراہ کن ہے ۔

(جاری ہے)

اہل سنت دہشت گردی کے خاتمے کے جہاد میں پاک فوج کے ساتھ ہیں ۔ دہشت گردی میں ملوث مدارس کے خلاف کریک ڈاوٴن کیا جائے ۔

طالبان اسلام کے باغی اور پاکستان کے غدار ہیں ۔ جنو بی پنجاب دو سرا وزیر ستان بن چکا ہے۔ قوم وزیر اعظم کے خطاب میں کئے گئے اعلانات پر عمل کی منتظر ہے ۔ اس مو قع پر سنی اتحاد کونسل ضلع لاہو ر کے صدر مفتی محمد حسیب قادری نے کہا کہ طالبان فساد فی الارض کے مجرم اور ساٹھ ہزار سے زائد پاکستانیو ں کے بے رحم قاتل ہیں ۔ طالبان کا نام لے کر ان کی مذمت نہ کرنے والے دہشت گردو ں کے ساتھی ہیں ۔

حکو متی صفو ں اور ریاستی ادارو ں کو طالبان کے مخبروں سے پاک کیا جائے ۔ اسلام اور پاکستان کے دشمن طالبان خارجی اور تکفیری ہیں ۔ تحفظ نامو س رسالت محاذ کے جنرل سیکرٹری مو لانا محمد علی نقشبندی نے کہا کہ حکمرانو ں کو شہداء کے خو ن سے غداری نہیں کر نے دیں گے ۔ مذہب کو فتنہ و فساد کے لئے استعمال کرنا بد ترین گناہ ہے ۔ بارود والو ں نے ملک تباہ کر دیا ہے ، اب درود والو ں کا دور آنے والا ہے ۔

سنی اتحاد کونسل کے چئیر مین صاحبزادہ حامد رضانے ریلی کے شرکاء سے ٹیلیفونک خطاب کر تے ہو ئے کہا کہ جماعت اسلامی اور جے یو آئی دہشت گردو ں کی نہیں صرف دہشت گردی کی مذمت کر تی ہیں ۔ جنو بی پنجاب میں انتہا پسندی کے اڈے ختم کئے جائیں ۔ حکو مت دہشت گردی کے خلاف زبانی دعووٴں کی بجائے عملی اقدامات کرے ۔ معصوم بچو ں کو قتل کرنا جہاد نہیں فساد ہے ۔

دہشت گردو ں کے حامی قومی مجرم ہیں ۔ دہشت گردو ں کے خلاف” ابھی نہیں تو کبھی نہیں “کی پالیسی اپنا نا ہو گی ۔ اہل سنت کے ہر مدرسے ، مسجد اور خانقاہ سے طالبان کے خلاف آواز اٹھائی جارہی ہے ۔ ریلی سے مفتی امان اللہ شاکر ، حاجی رانا شرافت علی قادری ، علامہ محمد اکرام ، علامہ محمد فیاض وٹو ، مو لانا امام بخش اختر سیالو ی ، علامہ محمد رمضان حیدری ، راوٴ حسیب احمد ، حکیم ندیم اختر ، پرو فیسر شریف القادری ، قاری محمد سلیم نے بھی خطاب کیا ۔