قوم عسکریت پسندوں، انتہاء پسندوں سے جنگ کرنے کیلئے پہلے سے زیادہ متحد نظر آرہی ہے، آصف علی زرداری،
دہشت گردوں کا مقصد جمہوری نظام کو ختم کر کے ملک میں خلافت قائم کرنا ہے،عزائم کو کامیاب نہیں ہونے دینگے، بینظیر بھٹو شہید کے یوم شہادت کے موقع پر پیغام
جمعہ 26 دسمبر 2014 18:14
اسلام آباد(اُردو پوائنٹ اخبار تازہ ترین۔26دسمبر 2014ء) پاکستان پیپلز پارٹی کے شریک چیئرمین سابق صدر پاکستان آصف علی زرداری نے شہید محترمہ بینظیر بھٹو کے ساتویں یوم شہادت کے موقع پر اپنے پیغام میں کہا ہے کہ شہید محترمہ بینظیر بھٹو کا یوم شہادت ایک ایسے موقع پر آیا ہے جب پشاور میں ایک بہیمانہ حملے میں سکول کے 135بچوں کو تحریک طالبان پاکستان کے ظالموں نے شہید کر دیا۔
اس وقت ہمیں شہید محترمہ کی یہ تنبیہ بھی یاد آتی ہے کہ مذہبی انتہاپسند ملک کو تباہ کرنے پر تلے ہوئے ہیں اور ان لوگوں سے آہنی ہاتھوں سے نمٹا جانا چاہیے۔ آج شہید محترمہ بینظیر بھٹو کی بات سچ ثابت ہوگئی ہے اور ہم ان سب لوگوں کو سلام پیش کرتے ہیں جنہوں نے عسکریت پسندی اور انتہاپسندی سے لڑتے ہوئے اپنی جانوں کا نذرانہ پیش کیا۔(جاری ہے)
اپنے پیغام میں سابق صدر نے کہا کہ یہ بات انتہائی اطمینان بخش ہے کہ قوم اس وقت عسکریت پسندوں اور انتہاپسندوں سے جنگ کرنے کیلئے پہلے سے زیادہ متحد نظر آرہی ہے۔
انہوں نے کہا کہ یہ صاف ظاہر ہو رہا ہے کہ ان دہشتگردوں کا ایک ہی ایجنڈا ہے کہ وہ جمہوری نظام کو ختم کرکے ملک میں خلافت قائم کر دیں۔ یہ وہی ایجنڈا ہے جو عراق اور شام میں داعش کا ہے، کینیا میں الشباب کا ہے اور نائجیریا میں بوکو حرام کا ہے۔آصف علی زرداری نے کہا کہ محترمہ بینظیر بھٹو کے ساتویں یوم شہادت کے موقع پر پاکستان پیپلز پارٹی واضح طور پر بتا دینا چاہتی ہے کہ ان دہشتگردوں کو ان کے عزائم میں کامیاب نہیں ہونے دیا جائے گا۔ پاکستان پیپلز پارٹی کے کارکنوں اور عوام کی مدد سے جہاں جہاں بھی یہ عسکریت پسند اور انتہا پسند اپنا سر اٹھائیں گے انہیں کچل دیا جائے گا۔ آج ہمیں وہ سارے شہداء یاد ہیں جنہوں نے انتہاپسندی کے خلاف لڑتے ہوئے اپنی جانوں کا نذرانہ پیش کیا ہے اور انہی کی قربانیوں کی وجہ سے عسکریت پسند اپنے مذموم عزائم میں ناکام ہوئے ہیں اور ہم ان شہیدوں کو سلام پیش کرتے ہیں۔ سابق صدر نے مزید کہا کہ ہم تمام ان لوگوں کو بھی خراج عقیدت پیش کرتے ہیں جنہوں نے ڈکٹیٹرشپ کے خلاف لڑتے ہوئے جلاوطنی اور قیدوبند کی صعوبتیں برداشت کیں اور پھانسی کے پھندے کو چوم لیا اور ڈکٹیٹرشپ ملک میں اپنی جڑیں مضبوط کرنے میں انہی لوگوں کی قربانیوں کی وجہ سے ناکام ہوئی اور ہم انہیں سلام پیش کرتے ہیں۔متعلقہ عنوان :
مزید اہم خبریں
-
آسٹریلوی کمپنیاں پاکستانی معیشت کے مختلف شعبوں میں سرمایہ کاری کریں،صدر مملکت آصف علی زرداری سے آسٹریلیا کے ہائی کمشنر نیل ہاکنز کی ملاقات
-
حکومت مہنگائی و بے روزگاری پر قابو پانے، معاشی استحکام اور برآمدات میں اضافہ کیلئے پرعزم ہے، کاروباری برادری کی معاونت سے آئندہ پانچ سال کے دوران اپنی برآمدات کو دوگنا کرنے کا تہیہ کیا ہوا ہے، وزیراعظم ..
-
وزیراعظم شہبازشریف کی زیر صدارت سندھ میں وفاقی حکومت کے ترقیاتی منصوبوں کے حوالہ سے اجلاس، سرکاری و نجی اشتراک کے تحت بننے والے کامیاب منصوبوں کے حوالے سے بریفنگ
-
سپیکر قومی اسمبلی سے پرتگال کے سفیر کی ملاقات، دونوں ممالک کے تعلقات مزید مستحکم بنانے کے عزم کا اعادہ
-
موٹروے پر پولیس اہلکار کو ٹکر مار کر فرار ہونے والی خاتون گرفتار کر لی گئی
-
بلو رانی والے الفاظ ایف آئی آر میں کہاں ہیں؟
-
فرانس میں تیرہ سال سے کم عمر بچوں کے رات کےاوقات میں باہر نکلنے پر کرفیو عائد
-
عدت میں نکاح کیس، بانی پی ٹی آئی و بشریٰ بی بی کی اپیلوں پر سماعت 30 اپریل تک ملتوی
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.