ملک بھر کی وکلاء برادری نے فوجی عدالتوں کے قیام کو آئین سے متصادم قرار دیتے ہوئے مسترد کردیا
ملک میں دو عدالتی نظام نہیں چل سکتے‘ حکومت نے موجودہ اقدام اٹھاکر ثابت کردیا ہے کہ یہاں احمقوں اور نااہل افراد کی حکومت ہے، آ ئینی ما ہر ین
جمعرات 25 دسمبر 2014 16:26
اسلام آباد(اُردو پوائنٹ تازہ ترین اخبار۔ 25 دسمبر 2014ء) ملک بھر کی وکلاء برادری نے دہشت گردی کے خاتمے کیلئے قائم کی جانے والی فوجی عدالتوں کے قیام کو آئین سے متصادم قرار دیتے ہوئے مسترد کردیا اور شدید تشویش کا اظہار کرتے ہو ئے کہا ہے کہ ایک ملک میں دو عدالتی نظام نہیں چل سکتے‘ حکومت نے موجودہ اقدام اٹھاکر ثابت کردیا ہے کہ یہاں احمقوں اور نااہل افراد کی حکومت ہے جو ہر کام آئین سے متصادم کرنے پر تلے ہوئے ہیں‘ وکلاء نے دھمکی دی کہ اگر حکومت نے فوجی عدالتوں کے قیام کیلئے کوئی آئینی ترمیم لانے کی کوشش کی تو اسے عدالت عظمیٰ میں چیلنج کریں گے۔
”اُردو پوائنٹ تازہ ترین اخبار۔ 25 دسمبر 2014ء“ سے خصوصی گفتگو کرتے ہوئے ماہر آئین سلیمان اکرم راجہ نے کہا کہ فوجی عدالتیں قائم کرنے کیلئے موجودہ آئین اجازت نہیں دیتا۔(جاری ہے)
حکومت کی طرف سے نئی عدالتوں کا قیام ہمارے لئے تشویشناک بات ہے۔ اگر حکومت اس مقصد کیلئے آئینی ترمیم لائی تو اسے آئین کے اصولوں کے مطابق دیکھیں گے۔ ماہر آئین اور قانون وہاب الخیری ایڈووکیٹ نے کہا کہ موجودہ پارلیمنٹ جاہل افراد کا مجموعہ ہے۔
ایسے قوانین بنانے کیلئے احمق لوگوں کی ضرورت ہوتی ہے جو پارلیمنٹ میں موجود ہیں۔ ملک میں متوازن عدالتی نظام نہیں چل سکتا اور نہ ہی آئین ا سکی اجازت دیتا ہے۔ فوجی عدالتوں کے قانون کو ہم مسترد کرتے ہیں متوازی نظام عدل آئین کی روح کیخلاف ہے۔ انہوں نے کہا کہ حکومت نے عدالتوں کے قیام کیلئے قانون سازی کی تو ہم اسے عدالتوں میں چیلنج کریں گے۔ انہوں نے کہا کہ ملک میں ایک ہی نظام ہونا چاہئے۔۔ اگر حکومت مخلص ہے تو موجودہ عدالتی نظام میں اصلاحات لاکر اسے بہتر کرے۔ انہوں نے کہا کہ عمران خان نے اس ٹولے میں شریک ہوکر ثابت کردیا ہے کہ وہ سیاستدان نہیں بلکہ ایک احمق کھلاڑی ہے جسے قانون کا پتہ ہی نہیں۔ ان عدالتوں کا قیام ملکی بقاء کیلئے خطرناک ہوگا۔ انہوں نے کہا کہ ایسی عدالتوں سے بہتر ہے کہ ملک میں مارشل لاء لگادیا جائے۔ ماہر قانون اور سپریم کورٹ بار ایسوسی ایشن کے سابق سینئر نائب صدر محمد اکرام چوہدری نے کہا کہ ہم فوجی عدالتوں کو مسترد کرتے ہیں۔ یہ عدالتیں آئین سے متصادم اور آئین کے بنیادی تصور کی مخالف ہیں۔ سیاسی قیادت نے اقتدار کو بچانے کیلئے فوجی عدالتیں قائم کی ہیں۔ انہوں نے کہا کہ فوج آرٹیکل 245 کے علاوہ کسی عدالتی نظام کا حصہ نہیں بن سکتی۔ پارلیمنٹ کو موجودہ آئین میں رہ کر ترمیم کرنی چاہئے۔ اگر پارلیمنٹ آئین سے متصادم کوئی ترمیم لائی تو سپریم کورٹ میں چیلنج کریں گے۔ انہوں نے کہا کہ فوجی عدالتوں کی بجائے موجودہ عدالتی نظام میں بہتری لائی جائے اور اس مقصد کیلئے قانون سازی کی جائے۔ ایڈووکیٹ اظہر نے کہا کہ ملک سے دہشت گردی کے خاتمے کیلئے فوجی عدالتیں وقت کی ضرورت ہیں۔ موجودہ عدالتی نظام میں کئی سقم موجود ہیں۔ تحقیقات نظام میں خامیاں ہیں۔ آرٹیکل 9 زندگی کا تحفظ دیتا ہے۔ فوجی عدالتیں اس آرٹیکل کے تحت بھی قائم ہوسکتی ہیں۔ آرٹیکل 245 کے تحت سویلین حکومت فوج کو طلب کرسکتی ہے۔ جب فوجی جج ہوں گے تو وہ دباؤ میں نہیں آئیں گے اور کسی خوف اور ڈر کے انصاف فراہم کریں گے۔ انہوں نے فوجی عدالتوں کے قیام کی بھرپور حمایت کا اعادہ کیامزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.