دہشتگردی کیخلاف بڑے فیصلے کرنے کا وقت آگیا: آرمی چیف

بدھ 24 دسمبر 2014 21:28

اسلام آباد(اُردو پوائنٹ اخبار تازہ ترین۔24دسمبر۔2014ء) آرمی چیف جنرل راحیل شریف نے کہا ہے کہ دہشتگردوں کیخلاف جراتمندانہ فیصلوں کو وقت آن پہنچا ہے۔وزیراعظم کے زیر صدارت اجلاس سے خطاب کرتے ہوئے پاک فوج کے سربراہ جنرل راحیل شریف کا کہنا تھا کہ دہشتگردی کے ناسور نے ملک کو بڑا نقصان پہنچایا ہے۔ دہشتگردوں کیخلاف جراتمندانہ اور بڑے فیصلوں کو وقت آن پہنچا ہے۔

وقت آگیا ہے کہ دلیرانہ فیصلے کئے جائے اور ان پر عملدرآمد کیا جائے۔ دہشتگردی کے خاتمے کیلئے پاک فوج حکومت کیساتھ بھرپور تعاون کرے گی۔ دہشتگردی اور انتہا پسندی کیخلاف متحد ہو کر جیتیں گے۔ آرمی چیف نے کہا کہ ٓئندہ نسلوں کیلئے دہشتگردی کا خاتمہ ہمارا اولین فرض ہے۔ متحد ہو کر ہی دہشتگردی کیخلاف جنگ جیتی جا سکتی ہے۔

(جاری ہے)

اس سے قبل پارلیمانی رہنمائوں کے اجلاس میں بریفنگ دیتے ہوئے آرمی چیف جنرل راحیل شریف نے بتایا کہ فوج نے دہشتگردوں کیخلاف مختلف آپریشن شروع کر رکھے ہیں۔

ضرب عضب اور خیبر ون آپریشن کامیابی سے جاری ہیں۔ دہشتگردوں کے خاتمے تک ضرب عضب آپریشن جاری رہے گا۔ ضرب عضب میں اب تک 2100 سے زائد دہشتگرد مارے گئے ہیں۔ انھوں نے بتایا کہ آپریشن ضرب عضب میں 190 جوان شہید ہوئے۔ ایساف اور افغان فورسز نے مکمل تعاون کی یقین دہانی کرائی ہے۔ پاک افغان سرحد کے قریب اب تک آپریشن میں 150سے زائد دہشتگرد مارے گئے ہیں۔ تحریک طالبان کیخلاف ایساف اور افغان انٹیلی جنس کا آپریشن آگے بڑھ رہا ہے

Facebook Twitter Google + Share on Whatsapp

دہشتگردی کیخلاف بڑے فیصلے کرنے کا وقت آگیا: آرمی چیف

مزید اہم خبریں