کرم تنگی ڈیم کی تکمیل سے قبائلی علاقہ جات میں ترقی کے نئے باب کا آغاز ہوگا ،سردار مہتاب احمد خان،
معاشی سرگرمیوں کو فروغ اور صوبے کے جنوبی اضلاع میں بھی معاشی اور زرعی انقلاب آئیگا،گورنر خیبر پختونخوا
منگل 23 دسمبر 2014 23:21
پشاور(اُردو پوائنٹ تازہ ترین اخبار۔ 23 دسمبر 2014ء) گورنرخیبرپختونخوا سردار مہتاب احمدخان نے کہاہے کہ کرم تنگی ڈیم کی تکمیل سے نہ صرف قبائلی علاقہ جات میں ترقی کے ایک نئے باب کا آغاز ہوگا اورمعاشی سرگرمیوں کو فروغ ملے گابلکہ صوبے کے جنوبی اضلاع میں بھی معاشی اور زرعی انقلاب آئیگا۔ انہوں نے کہاکہ فاٹا سمیت پورے ملک میں امن وامان اور آئی ڈی پیز کی بحالی، معاشی بدحالی اور بجلی کے بحران کا خاتمہ وزیراعظم پاکستان محمدنوازشریف اوروفاقی حکومت کی اولین ترجیح ہے۔
انہوں نے کہاکہ فاٹاکے دور دراز علاقوں میں چھوٹے اور بڑے پیمانے کے ڈیموں جن میں کرم تنگی ڈیم شمالی وزیرستان ایجنسی، منڈا ڈیم مہمند ایجنسی ، باڑہ ڈیم خیبرایجنسی کی بروقت منصوبہ بندی اور تکمیل کیلئے تمام تر اقدامات اٹھائے جارہے ہیں جس سے خطے میں معاشی خوشحالی کانیا دور شروع ہوگا۔(جاری ہے)
گورنرنے متعلقہ حکام کو سختی سے تاکیدکی کہ کام کی رفتار کو تیز تر کیاجائے اور کسی قسم کی تاخیر برداشت نہیں کی جائیگی۔
انہوں نے ان خیالات کا اظہار منگل کے روز گورنرہاؤس پشاورمیں ایک اعلی سطحی اجلاس کی صدارت کرتے ہوئے کیا۔ اجلاس میں سلیم سیف اللہ ، پرنسپل سیکرٹری برائے گورنر ڈاکٹرفخرعالم، سیکرٹری پی اینڈڈی فاٹا،کمشنربنوں سیدمحسن شاہ، بریگیڈئرشہبازبٹ کمانڈر 493 انجینئرگروپ ، پولیٹیکل ایجنٹ شمالی وزیرستان ایجنسی امتیاز حسین شاہ، ڈی جی پراجیکٹ فاٹا عزیز احمد اور دیگرمتعلقہ حکام نے شرکت کی۔ جبکہ چیئرمین واپڈا ظفرمحمودکی سربراہی میں واپڈا حکام نے اجلاس کے شرکاء کو منصوبے کے بارے میں تفصیلی بریفنگ دی۔ اجلاس میں کرم تنگی ڈیم سمیت منڈا ڈیم کی تعمیر کے حوالے سے بھی اجلاس کو بریفنگ دی گئی۔اس موقع پر اپنے خطاب میں گورنرنے کہاکہ ملک کی تعمیروترقی، معاشی اورزرعی انقلاب کیلئے چھوٹے اوربڑے درجے کے ڈیموں کی تکمیل ناگزیرہے ۔ انہوں نے کہاکہ شمالی وزیرستان کے پسماندہ اور دوردراز علاقوں میں کرم تنگی ڈیم کی بروقت تکمیل سے جہاں زرعی انقلاب آئیگا وہاں پر خطے کے عوام معاشی طور پر خوشحال ہوں گے اور روزگار کے مواقع بھی میسر ہوں گے۔ گورنرنے واپڈا اور متعلقہ حکام کو کرم تنگی ڈیم کی بروقت تکمیل کیلئے جائزہ لینے کی ہدایت کی۔ گورنرنے کہاکہ کرم تنگی ڈیم سمیت منڈاڈیم ہمہ جہتی خوبیوں کاحامل منصوبہ ہے اس سے نہ صرف بجلی کی پیداوار میں اضافہ ہوگا بلکہ آبپاشی نظام کی بہتری سے فاٹا کے دور دراز علاقوں اور جنوبی اضلاع کی بنجرزمینوں کو بھی سیراب کیاجاسکے گاجبکہ اس خطے کو سیلاب کی تباہ کاریوں سے محفوظ بنایاجاسکے گا۔ انہوں نے پولیٹیکل انتظامیہ اور متعلقہ حکام کو ہدایت کی کہ کرم تنگی ڈیم کی تکمیل کے پہلے مرحلے میں اراضی کے حصول کے معاملات 31 جنوری 2015 تک نمٹائے جائیں اور منصوبے پرکام کے آغاز کیلئے 15 جنوری تک ٹینڈر طلب کئے جائیں تاکہ علاقے کی ترقی و خوشحالی کے حصول کیلئے اس ہمہ جہتی اور اہم منصوبے کو پایہ تکمیل تک پہنچایاجاسکے۔مزید اہم خبریں
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
-
پٹرولیم ڈیلرز ایسوسی ایشن نے قیمتوں کو ڈی ریگولیٹ کرنے کی حکومتی پالیسی کو مسترد کر دیا
-
عمران خان اور بشریٰ بی بی کےخلاف انتقام کی انتہا کردی گئی،سینیٹر علی ظفر
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.