ملا فضل اللہ جب بھی پاکستان سے بھاگا افغانستان گیا ‘ سینیٹر رحمن ملک

افغان انٹیلی جنس کالعدم تحریک طالبان کے سربراہ ملا فضل اللہ کی حمایت کر رہی ہے ‘ سابق وزیر داخلہ کا انٹرویو

پیر 22 دسمبر 2014 14:12

ملا فضل اللہ جب بھی پاکستان سے بھاگا افغانستان گیا ‘ سینیٹر رحمن ملک

اسلام آباد(اُردو پوائنٹ تازہ ترین اخبار۔ 22 دسمبر 2014ء) سابق وزیر داخلہ سینیٹر رحمان ملک نے کہاہے کہ ملا فضل اللہ جب بھی پاکستان سے بھاگا افغانستان گیا ‘افغان انٹیلی جنس کالعدم تحریک طالبان کے سربراہ ملا فضل اللہ کی حمایت کر رہی ہے۔

(جاری ہے)

ایک انٹرویو میں سینیٹر رحمان ملک نے کہا کہ میں پہلے بھی کہتا رہا ہوں کہ پاکستان میں دہشت گردی کے پیچھے بیرونی ہاتھ ہے، سینیٹ کو پہلے ہی بریفنگ دی تھی کہ افغان انٹیلی جنس فقیر محمد اور فضل اللہ کو سپورٹ کررہی ہیں۔

سینیٹر رحمان ملک نے کہاکہ فضل اللہ جب بھی بھاگا افغانستان ہی گیا ۔ رحمان ملک نے کہا کہ پنجاب کو دہشت گردوں سے خطرہ ہے، پہلے پنجابی طالبان کو کوئی نہیں مانتا تھا وہ کھل کر بات کرتے ہیں،اچھی بات یہ ہے کہ پنجاب حکومت دہشتگردی کے خلاف ایکشن لے رہی ہے۔