بھارت،ریاست منی پور میں بم دھماکہ، تین افرا د ہلاک،چار زخمی
اتوار 21 دسمبر 2014 19:09
گوہاٹی (اُردو پوائنٹ اخبارتازہ ترین - آن لائن۔21دسمبر۔2014ء) بھارت کے شورش زدہ شمال مشرق میں اتوار کو علی الصبح ایک بم دھماکے میں تین افراد ہلاک اور چار زخمی ہوگئے،یہ بات پولیس نے بتائی ہے،یہ ایک ہفتے سے کم عرصے میں اس علاقے میں دوسرا حملہ ہے۔دھماکے کی وجہ سے منی پور کا ریاستی دارالحکومت مغربی امپھال لرز اٹھا۔منی پور کی سرحد میانمر سے ملتی ہے،یہ علاقہ کئی دہائیوں سے علیحدگی پسندانہ تشدد کی لپیٹ میں ہے۔
سینئر ریاستی پولیس افسر اے سنگھ نے ا مپھال سے ٹیلیفون پر فرانسیسی خبررساں ادارے کو بتایا کہ اس دھماکے میں تین محنت کش ہلاک جبکہ چار زخمی ہوگئے۔سنگھ نے بتایا کہ انتہائی جدید طرز کا آتشگیر مواد(آئی ای ڈی) ایک بس ڈیو کے قریب نصب کیا گیا جو اتوار کو علی الصبح دھماکے کے ساتھ پھٹ گیا۔(جاری ہے)
کسی باغی گروپ نے اس دھماکے کی ذمہ داری قبول نہیں کی ہے اور فوری طور پر اس کے محرک کا بھی پتہ نہیں چل سکا ہے۔
یہ ایک ہفتے سے بھی کم عرصے میں امپھال میں اس قسم کا دوسرا حملہ تھا۔15دسمبر کو اس قسم کے ایک دھماکہ میں ایک شحض ہلاک اور پانچ زخمی ہوگئے تھے۔دورافتادہ ریاست کافی عرصے سے باغیوں کے تشدد کی کارروائیوں کی لپیٹ میں ہے اور یہ کئی قبائلی گروپوں اور نئی دہلی کے اقتدار کے خلاف برسرپیکار چھوٹے گوریلا گروپوں کا گڑھ ہے۔وہ اکثر ریاست میں برتری کیلئے ایک دوسرے کے ساتھ مقابلہ آرائی میں ملوث ہوتے ہیں۔حکام کے مطابق1947ء میں برطانیہ سے حصول آزادی کے بعد سے بھارت کی سات شمال مشرقی ریاستوں میں سے سات میں باغیانہ تشدد میں کم از کم پچاس ہزار افراد ہلاک ہوچکے ہیں۔فوج کا کہنا ہے کہ بھارتی سیاسی رہنماؤں نے شمال مشرق کو بڑے پیمانے پر نظرانداز کر رکھا ہے،فوج نے ان پر الزام لگایا ہے کہ انہوں نے اپنی زیادہ تر توجہ ملک کا مقابلتاً دولتمند آٹھ شمالی ریاستوں کی ترقی پر مرکوز کر رکھی ہے۔متعلقہ عنوان :
مزید بین الاقوامی خبریں
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
حماس کے ساتھ مذاکرات ختم نہیں کیے گئے ،امریکہ
-
یومیہ ایک ارب افراد کی خوراک کا ضیاع،اقوام متحدہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.