دہشت گرد ریاست کے سامنے سر جھکائیں ورنہ بدترین انجام کے لیے تیار ہوں ‘ صدر ممنون حسین
جمعہ 19 دسمبر 2014 14:41
اسلام آبا د (اُردو پوائنٹ تازہ ترین اخبار۔ 19 دسمبر 2014ء) صدر ممنون حسین نے کہا ہے کہ دہشت گرد ریاست کے سامنے سر جھکا دیں ورنہ بدترین انجام کیلئے تیار ہوجائیں۔یہ بات صدر ممنون حسین نے راولپنڈی میں کالج آف فزیشنز اینڈ سرجنز پاکستان کے 48ویں کانووکیشن سے خطاب کرتے ہوئے کہی۔ صدر مملکت نے کہا کہ سانحہ پشاور نے ہمتیں پست نہیں کیں بلکہ دہشتگردی کے خلاف عزم کو مزید پختہ کیا ہے ‘ قوم دہشتگردوں کے خلاف لڑنے والی فوج کی پشت پر کھڑی ہے۔
انھوں نے کہا کہ پاکستانی قوم دہشت گردی سے نفرت کرتی ہے اور اپنے وطن کو پرامن اور مستحکم ملک بنانا چاہتی ہے۔ ہمارے اس قومی عزم کے سامنے کوئی رکاوٹ نہیں آسکتی اور ہمارے اس آہنی قومی عزم کو کوئی متزلزل نہیں کرسکتا۔صدر مملکت نے کہا کہ دہشت گرد ریاست کی طاقت کے سامنے سرجھکا دیں، دوسری صورت میں وہ اپنے انجام کے لیے تیار ہوجائیں۔(جاری ہے)
صدر ممنون حسین نے ایک بار پھر واضح کیا کہ اب دہشتگردوں کا انجام دور نہیں ہے۔
صدر مملکت نے کہا کہ پاکستان کو دہشت گردوں سے پاک کرکے، اس ملک اور خطے کو پرامن اور پرسکون بنا دیں گے۔ صدر ممنون حسین نے کہا کہ پشاور میں دہشت گردی کے ہولناک واقعے نے قوم کی ہمتیں پست نہیں کیں بلکہ ہمارے اس عزم او ر حوصلے کو مزید پختہ کردیا ہے کہ پاکستان کو دہشت گردی کے ناسور سے پاک کرکے اسے دنیا کا کامیاب ترین ملک بنادیا جائے گا۔صدر مملکت نے کہا کہ پشاور میں شہید ہونے والے بچے اور انکے والدین قوم کے محسن ہیں، جن کی وجہ سے دہشت گردی کے خلاف ہمارے عزم و ہمت میں اضافہ ہوا ۔ صدر ممنون حسین نے کہا کہ یہی عزم ہمیں ہماری منزل تک پہنچا دے گا۔ صدر مملکت نے کہا کہ گزشتہ چند دہائیوں کے دوران میں صحت عامہ کی ضروریات تبدیل ہوگئی ہیں اور نئے نئے چیلنجز سامنے آرہے ہیں جن سے نمٹنے کیلئے جدید طور طریقے اختیار کرنا ضروری ہوگیا انھوں نے کہا کہ اب ہم پرانے طریقوں پر کاربند رہ کر تھر اور ان جیسے دیگر دو دراز علاقوں میں پیدا ہونے والے طبی مسائل سے نہیں نمٹ سکتے۔ صدر مملکت نے کہا کہ ان علاقوں میں منظم منصوبہ بندی کے تحت مختلف امراض کے ماہرین بھیجنے ہوں گے جو مستقل طور پر وہاں خدمات سرانجام دیں تاکہ درپیش چیلنجوں سے بھی نمٹا جاسکے اور مستقبل میں جنم لینے والے مسائل کی پیش بینی کر کے ان کی راہ بھی روکی جاسکے۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.