سانحہ پشاور کے شہداء کی یاد میں تحریک انصاف کی خواتین ممبران نے لبرٹی چوک میں شمعیں روشن کیں،
خواتین کارکنان نے سانحہ پشاور کے شہداء کو خراج عقیدت پیش کیا ، احتجاجی مظاہرہ بھی کیا گیا
جمعرات 18 دسمبر 2014 23:27
لاہور(اُردو پوائنٹ اخبار تازہ ترین۔18دسمبر 2014ء ) پاکستان تحریک انصاف کی مرکزی صدر وومن ونگ وایم این اے منزہ حسن کی قیادت میں خواتین کارکنان نے سانحہ پشاور میں شہید ہونے والے بچوں اور دیگر افراد کے ساتھ اظہاریکجہتی کے لئے لبرٹی چوک میں مظاہرہ کیا اور شہداء کی یاد میں شمعیں روشن کیں، تحریک انصاف کی خواتین کارکنان نے سانحہ پشاور کے شہداء کو خراج عقیدت پیش کیا ، منزہ حسن نے میڈیا کے نمائندوں سے گفتگو کرتے ہوئے کہاکہ تحریک انصاف سانحہ پشاور کے شہداء کے ساتھ اظہاریکجہتی کرتی ہے اور دعاء کرتی ہے کہ اللہ تعالیٰ ان کے خاندانوں کو صبر دے ، پوری قوم دہشت گردی کے خاتمے کے لئے اکٹھی ہو گئی ہے ، تحریک انصاف نے تمام اختلافات کو ایک طرف رکھ دیا ہے اور دہشت گردی کے اہم ایشو پر پوری قوم کی طرح پاک فوج کے شانہ بشانہ کھڑی ہے ،پوری قوم ملکر ہی دہشت گردی کا مقابلہ کر سکتی ہے ، اس وقت تمام جمہوری قوتوں کو اپنا اپنا کردار ادا کرنا ہوگا، تحریک انصاف امن کے قیام اور دہشت گردی کے خاتمے کے لئے اپنا بھرپور کردار ادا کرے گی، سانحہ پشاور کی جتنی بھی مذمت کی جائے کم ہے ، تحریک انصاف سوگوار خاندانوں کے غم میں برابر کی شریک ہے ، سفاک دہشت گردوں کا یہ حملہ مستقبل کے معماروں پر حملے کے متراد ف ہے ، دہشت گردی کے خاتمے کے لئے پوری قوم متحد ہو کر سیسہ پلائی دیوار کی طرح کھڑی ہے ،اس موقع پر ملیحہ حسین ،ایم پی اے شنیلہ روت، عاشماں شجاع ، فریحہ ، شگفتہ نیلوفر، ارم اکمل، عائشہ خالد، صادقہ صاحب داد ، انیلہ بیگ ، فرحت فاروق، وسیمہ بھٹی، نیلم ارشاد ،عامرہ شہزاد، عاصمہ نعیم، نیلم رشید، عامرہ شہباز، روبینہ اختر ، روبینہ شاہین، نسیم ادریس، رضیہ ، تہمینہ محسن ، ثمینہ احمد سمیت بڑی تعداد میں خواتین ممبران نے شرکت کی ۔
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.