مسلم لیگ (ن) کے زیراہتمام سکول حملے میں شہید ہونیوالے طلباء اور سٹاف ممبران کے ایصال ثواب کیلئے تعزیتی ریفرنس ،
سکول و کالج پر حملہ کرنے ،معصوم طلباء کو خون میں نہلانے والے انسان کہنے کے بھی لائق نہیں ظلم و بربریت کرنیوالوں کا اسلام سے کوئی تعلق نہیں ‘ مذموم مقاصد کیلئے معصوم کلیوں کو نشانہ بنانا کہاں کی انسانیت ہے،اقبال ظفرجھگڑا،پیر صابرشاہ
جمعرات 18 دسمبر 2014 18:50
پشاور(اُردو پوائنٹ اخبار تازہ ترین۔18دسمبر 2014ء) پاکستان مسلم لیگ (ن) خیبر پختونخوا کے زیر اہتمام صوبائی سیکرٹریٹ میں آرمی پبلک سکول و کالج پر حملے میں شہید ہونے والے طلباء اور سٹاف ممبران کے ایصال ثواب کیلئے ایک تعزیتی ریفرنس کا انعقاد کیاگیا جس میں شہداء کے ایصال ثواب کیلئے قرآن خوانی و فاتحہ خوانی کی گئی اور شہداء کے لواحقین سے یکجہتی کا اظہار کیا گیا‘ اس موقع پر پاکستان مسلم لیگ (ن) کے مرکزی سیکرٹری جنرل اقبال ظفر جھگڑا‘ خیبر پختونخوا کے صدر پیر صابر شاہ‘ سینئر نائب صدر ملک جہانزیب‘ صوبائی سیکرٹری اطلاعات ناصر خان موسیٰ زئی‘ حاجی صفت اللہ ‘ حاجی امان اللہ‘ خواتین ونگ کی رہنما نجمہ نوشیروان‘ شاہین حبیب اللہ‘ ممبر قومی اسمبلی طاہرہ بخاری اور ناہید سمیت دیگر عہدیداروں اور کارکنوں نے کثیر تعداد میں شرکت کی‘ تعزیتی ریفرنس کے موقع پر پہلے قرآن خوانی کی گئی اور بعد ازاں شہداء کے ایصال ثواب کیلئے فاتحہ خوانی بھی کی گئی ‘ دعاء کے دوران متعدد لیگی رہنما آبدیدہ ہو گئے‘ تعزیتی ریفرنس میں مقررین نے آرمی پبلک سکول و کالج پر حملے کو بزدلانہ فعل قرار دیتے ہوئے شہداء کے لواحقین سے یکجہتی کا اظہار کیا اور اپنی جانب سے بھرپور تعاون کا یقین دلایا‘ اس موقع پر خطاب کرتے ہوئے پاکستان مسلم لیگ (ن ) کے صوبائی صدر پیر صابر شاہ نے کہا کہ آرمی پبلک سکول و کالج پر حملہ کرنے اور معصوم طلباء کو خون میں نہلانے والے انسان کہنے کے بھی لائق نہیں ‘ ظلم و بربریت کرنے والوں کا اسلام سے کوئی تعلق نہیں ‘ مذموم مقاصد کیلئے معصوم کلیوں کو نشانہ بنانا کہاں کی انسانیت ہے‘ جس نے بھی کیا ہے اس نے پوری دنیا کو جھنجوڑ کر رکھ دیا ہے جس کی جتنی بھی مذمت کی جائے کم ہے‘ انہوں نے کہا کہ سانحہ اے پی ایس نے پاکستان سمیت پوری دنیا کو رلا یا ہے جب سے واقعہ ہوا ہے کوئی بھی پاکستانی سو نہیں پایا کیونکہ معصوم بچوں کے ساتھ وحشیانہ ظلم کیا گیا‘ انہوں نے کہا کہ واقعہ میں ملوث افراد کو کیفر کردار تک پہنچایا جائے گا انہیں ہرگز معاف نہیں کیا جائے گا‘ وزیر اعظم میاں نواز شریف نے واقعہ کے فوری بعد پشاور پہنچ کر متاثرین کے ساتھ تعزیت کا اظہار کیا اور پوری سیاسی قیادت کو بٹھا کر ایک لائحہ عمل دیدیا ہے جس سے اب اس دہشت گردی کے ناسور سے بہت جلد چھٹکارا پا لیں گے‘ انہوں نے کہا کہ مسلم لیگ (ن) کی حکومت روز اول سے عوام کو دہشت گردی کے ناسور سے نجات دلانے کیلئے سرگرم عمل ہے اسی خاطر فوجی آپریشنز بھی شروع کئے گئے لیکن وہ دن دور نہیں جب لوگ بے خوف و خطر گوم پھرسکیں گے دہشت گردوں کو منطقی انجام تک پہنچا کر دم لیں گے ۔
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.