جنرل ہسپتال میں پاک فوج اور سانحہ پشاور کے متاثرین سے اظہار یکجہتی کیلئے ریلی کا انعقاد،
اللہ تعالی زخمی بچوں کو جلد صحتیابی عطا فرمائے تاکہ وہ پھر سے علم کی روشنی سے منور ہوسکیں‘ مقررین کا خطاب
جمعرات 18 دسمبر 2014 18:25
لاہور(اُردو پوائنٹ اخبار تازہ ترین۔18دسمبر 2014ء ) پرنسپل پوسٹ گریجویٹ میڈیکل انسٹی ٹیوٹ و امیرالدین میڈیکل کالج پروفیسر انجم حبیب وہرہ نے کہاہے کہ دہشت گردی کی روک تھام اور اس کا مقابلہ کرنے کے لئے ہر شخص کو موٴثر کردار ادا کرنا اور وطن عزیز کو امن کا گہوارہ بنانا ہوگا۔ انہوں نے کہا کہ صرف شمالی و جنوبی وزیرستان ہی نہیں بلکہ ملک کے جس شہر یا حصے میں بھی دہشت گردوں کی موجودگی کا شک و شبہ ہے وہاں پیشگی انٹیلی جنس کی مدد سے اقدامات اٹھائے جائیں۔
ہم پاک فوج کو سلام پیش کرتے ہیں جو نہ صرف ضرب عضب کے ذریعے ان وحشی درندوں کو ان کے انجام تک پہنچارہی ہے بلکہ پشاور کے سکول میں بھی بروقت اور موٴثر کارروائی کرکے 900ے زائد قیمتی جانوں کو بچالیا۔ سانحہ پشاور میں شہید ہونے والے اساتذہ و بچے پوری قوم کا سرمایہ ہیں ۔(جاری ہے)
ان کے لہو سے چراغ علم روشن ہوں گے جس سے دہشت گردی کی تاریکی کا خاتمہ ہوگا۔
ان خیالات کا اظہار انہوں نے جمعرات کے روز لاہور جنرل ہسپتال میں پنجاب پیرا میڈیکل سٹاف ایسوسی ایشن کے زیر اہتمام پاک فوج سے اظہار یکجہتی اور سانحہ پشاور کے بچوں کیلئے دعائیہ تقریب سے خطاب کرتے ہوئے کیا۔ ریلی میں ڈاکٹروں، نرسنگ طالبات، پیرا میڈیکس اور عام شہریوں نے شرکت کی۔ ریلی سے رحمت سندھو، رانا پرویز، خالد گوندل، بابر، امین سلامت، فضل سندھو، ملک حنیف اور بابر گل نے بھی خطاب کیا۔ شرکاء ریلی نے دہشت گردوں کے خلاف اور پاک فوج کے حق میں نعرہ بازی کی۔انہوں نے کہا کہ ہمارے طالب علم ہماری امیدیں ہیں اور ہم اس امید کو بندوق یا بارود سے شکست نہیں کھانے دیں گے۔ مقررین نے پاک فوج سے مطالبہ کیا کہ ملک دشمن عناصر اور دہشت گردوں کا فوری خاتمہ کیا جائے ،پوری قوم پاک فوج کے ساتھ ہے۔ انہوں نے کہا کہ پشاور کے سانحہ نے نہ صرف پوری قوم بلکہ سیاسی قیادت کو بھی متحد کردیا ہے اور پھانسی کی سزا پانے والے دہشت گردوں و دیگر خطرناک مجرموں کی سزاوٴں کی بحالی کا فیصلہ ملک میں دہشت گردوں کے نیٹ ورک کو توڑنے میں معاون ثابت ہوگا۔ نرسنگ سکول کی طالبات نے معصوم بچوں کی شہادت پر رنج و غم کا اظہار کرتے ہوئے کہا کہ ظالموں نے ان پھولوں کو کھلنے سے پہلے ہی مسل دیا جس کی جتنی مذمت کی جائے کم ہے۔ انہوں نے دعا کی کہ اللہ تعالی زخمی بچوں کو جلد صحتیابی عطا فرمائے تاکہ وہ پھر سے علم کی روشنی سے منور ہوسکیں۔مزید مقامی خبریں
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
-
اثریہ بوائز سکول اینڈ کالج جہلم میں سالانہ نتائج وتقسیم انعامات کی تقریب کا انعقاد ، جس میں طلباء کو اچھی کارکردگی دکھانے پر انعامات دیئے گئے
-
ایس اینڈ پی گلوبل پاکستان میں خواتین کی ترقی کے لئے سرمایہ کاری کیلئے پر عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.